«بەرلين-مينسك-الماتى» اۆيارەيسٸ ارقىلى 13 ناۋرىزدا ۇشىپ كەلگەن 2018 جىلعى كٸشكەنتاي قىز بالادان كوروناۆيرۋس ينفەكتسيياسى انىقتالدى, دەپ حابارلايدى "ۇلت اقپارات.
«2020 جىلدىڭ 17 ناۋرىزى تاڭعى 09.00-دەگٸ ەپيدەميولوگييالىق جاعداي بويىنشا الماتىدا كوروناۆيرۋس ينفەكتسيياسىن جۇقتىرعان تاعى 3 ادام تٸركەلدٸ. بٸرٸنشٸ ناۋقاس – "بەرلين-مينسك-الماتى" ۇشاعى ارقىلى 13 ناۋرىزدا ۇشىپ كەلگەن 2018 جىلى تۋعان قىز بالا. ول قازٸر الماتى قالاسىنداعى بالالار ينفەكتسييالىق اۋرۋحاناسىنا جاتقىزىلدى. ەكٸنشٸ ناۋقاس - 1966 جىلى تۋعان ازامات, ول مەسكەۋدەن بٸزگە 10 ناۋرىز كٷنٸ ۇشىپ كەلدٸ. الماتىداعى كٶپسالالى مەديتسينالىق ورتالىققا جاتقىزىلدى. ٷشٸنشٸ ناۋقاس - 1956 جىلى تۋعان ازامات, ول دا مەسكەۋ قالاسىنان 10 ناۋرىزدا كەلگەن», - دەدٸ مينيسترلٸكتٸڭ رەسمي ٶكٸلٸ دياس احمەتشەرٸپ.
ونىڭ ايتۋىنشا قازٸرگٸ ۋاقىتتا الماتىدا 11, نۇر-سۇلتاندا 2 ناۋقاس تٸركەلدٸ. بٷگٸنگٸ كٷندە ەلدە كوروناۆيرۋس جۇقتىرۋدىڭ 13 جاعدايى راستالدى.
سونداي-اق, قازاقستاندا تٶتەنشە جاعداي جارييالانىپ, ازاماتتاردىڭ 15 سەۋٸرگە دەيٸن ەل اۋماعىنان شىعۋىنا تىيىم سالىندى.
16 ناۋرىزدا پرەزيدەنت قاسىم-جومارت توقاەۆ قازاقستان حالقىنا ٷندەۋ جارييالادى. پرەزيدەنتتٸڭ ايتۋىنشا, قازاقستاننىڭ حالىقارالىق رەزەرۆٸ 90 ميلليارد دوللارعا جەتتٸ. ال بۇل قاراجات ەكونوميكالىق تۇراقتىلىقتىڭ نەگٸزٸ بولا الادى. سول قارجى ەسەبٸنەن مەملەكەت ٶزٸنٸڭ ەلەۋمەتتٸك مٸندەتەرٸن اتقارا الادى.
سونىمەن قاتار مەملەكەت باسشىسى قاجەت بولعان جاعدايدا, تٶتەنشە جاعداي رەجيمٸنٸڭ ۇزارتىلۋى مٷمكٸن ەكەنٸن ايتتى.
