Elektrondy densaýlyq pasportyna donorlyq týraly arnaiy baǵan engiziledi, dep habarlaidy QazAqparat.
Bul týraly QR Densaýlyq saqtaý ministri Eljan Birtanov málimdedi.
«Emhanaǵa tirkelerde Sizdiń qaitys bolǵannan keiingi donorlyqqa kelisimińiz suralady. Eger bas tartsańyz, jaýabyńyz elektrondy qujatta kórsetiledi. Ótken aptada tanystyrǵan elektrondy densaýlyq pasportynda bul týraly arnaiy baǵan bolady. Jyl sońyna deiin bul másele sheshiledi», - dedi E. Birtanov ministrlik alqasynyń keńeitilgen otyrysy barysynda jýrnalisterge bergen suhbatynda.
Onyń aitýynsha, donorlyqtan bas tartý úshin adamdar emhanaǵa arnaiy kelýi tiis.
«Adamdar emhanaǵa arnaiy kelip, donorlyqtan bas tartýyn tirketýi tiis. Uzaq ýaqytqa saqtap qoiý úshin qaǵaz qujat ta mindetti túrde bolady. Biraq marqumnyń týystary daý shyǵarady. Bul jerde túsindirý jumystaryn júrgizý qajet dep oilaimyn. Árine, bizdiń mentalitet, dástúr, psihologiia úshin bul ońai emes. Degenmen jumys isteý qajet», - dedi ministr.
