Ulttyq bank maýsymda qarjy naryǵyndaǵy jaǵdai týraly aitty. Osylaisha, qazaqstandyqtar arasynda dollar men rýblge degen suranys byltyrǵy maýsymmen salystyrǵanda úsh eseden asa tómendedi, - dep habarlaidy Tengrinews.kz agenttigi vedomstvonyń baspasóz qyzmetine silteme jasap.
UB málimetinshe, maýsymda teńgeniń birjalyq baǵamy 1 dollar úshin 425,41 – 470,24 teńge aralyǵynda ózgergen. Bul rette maýsymda halyq netto-negizde 91,5 milliard teńgege balamaly somaǵa qolma-qol shetel valiýtasyn satyp alǵan.
"Aldyńǵy aimen salystyrǵanda bul shyǵystar 2,7 ese tómendedi (2022 jylǵy mamyrda – 249,7 millirad teńge), 2021 jyldyń osy kezeńimen salystyrǵanda (237,0 mlrd teńge) netto-satyp alý kólemi 2,6 ese tómendedi", - delingen habarlamada.
Shyǵystardyń negizgi kólemi 46,4 paiyz nemese 42,4 millirad teńge – dollar, 16,4 paiyz nemese 15,0 millirad teńge – Resei rýbli, 36,7 paiyz nemese 33,6 millirad teńge eýrony satyp alýǵa baǵyttalǵany aityldy.
"Valiýta túrleri boiynsha bólgende bir aida AQSh dollaryn satyp alýǵa arnalǵan shyǵystar 4,9 ese tómendedi (tómendeý 3,6 ese jyldan jylǵa), Resei rýblin satyp alýǵa arnalǵan shyǵystar 5,7 paiyzǵa ósti (tómendeý 3,5 ese jyldan jylǵa) jáne eýrony satyp alýǵa arnalǵan shyǵystar 31,0 paiyzǵa ósti (ósý 15,1 paiyz jyldan jylǵa)", - delingen habarlamada.
