Doktorantýraǵa qabyldaý elektrondyq formatta, al dissertatsiialardy qorǵaý onlain-rejimde júrgiziledi. Bul týraly Bilim jáne ǵylym ministrliginiń Telegram-kanalynda jariialandy, dep habarlaidy "Ult aqparat".
«Joǵary oqý ornynan keiingi bilim berý baǵdarlamalaryna túsý erejeleri ózgertildi. Endi doktorantýraǵa qabyldaý elektrondyq formatta júzege asyrylady. Ótken jyly bul tásil magistratýraǵa qabyldaý kezinde tiimdiligin kórsetti», - delingen ministrlik málimetinde.
Sonymen qatar, pandemiiaǵa bailanysty stýdentter men magistranttarǵa qorytyndy jumystaryn onlain formatta qorǵaýǵa ruqsat etildi. Eger diplomdyq jumys nemese magistrlik dissertatsiia onlain formatta qorǵalǵan bolsa, stýdentterden «mór» men «qoltańba» talap etýdiń qajeti joq.
«Munymen qosa, endi barlyq doktorlyq dissertatsiia jelide transliatsiialaý arqyly onlain-rejimde qorǵalatyn bolady. Bul ǵylymi jumystardy qorǵaý rásiminiń ashyqtyǵy men ádildigin qamtamasyz etedi», - dep atalyp ótken habarlamada.
