دوكتورانتۋراعا قابىلداۋ ەلەكتروندىق فورماتتا, ال ديسسەرتاتسييالاردى قورعاۋ ونلاين-رەجيمدە جٷرگٸزٸلەدٸ. بۇل تۋرالى بٸلٸم جەنە عىلىم مينيسترلٸگٸنٸڭ Telegram-كانالىندا جارييالاندى, دەپ حابارلايدى "ۇلت اقپارات".
«جوعارى وقۋ ورنىنان كەيٸنگٸ بٸلٸم بەرۋ باعدارلامالارىنا تٷسۋ ەرەجەلەرٸ ٶزگەرتٸلدٸ. ەندٸ دوكتورانتۋراعا قابىلداۋ ەلەكتروندىق فورماتتا جٷزەگە اسىرىلادى. ٶتكەن جىلى بۇل تەسٸل ماگيستراتۋراعا قابىلداۋ كەزٸندە تيٸمدٸلٸگٸن كٶرسەتتٸ», - دەلٸنگەن مينيسترلٸك مەلٸمەتٸندە.
سونىمەن قاتار, پاندەميياعا بايلانىستى ستۋدەنتتەر مەن ماگيسترانتتارعا قورىتىندى جۇمىستارىن ونلاين فورماتتا قورعاۋعا رۇقسات ەتٸلدٸ. ەگەر ديپلومدىق جۇمىس نەمەسە ماگيسترلٸك ديسسەرتاتسييا ونلاين فورماتتا قورعالعان بولسا, ستۋدەنتتەردەن «مٶر» مەن «قولتاڭبا» تالاپ ەتۋدٸڭ قاجەتٸ جوق.
«مۇنىمەن قوسا, ەندٸ بارلىق دوكتورلىق ديسسەرتاتسييا جەلٸدە ترانسلياتسييالاۋ ارقىلى ونلاين-رەجيمدە قورعالاتىن بولادى. بۇل عىلىمي جۇمىستاردى قورعاۋ رەسٸمٸنٸڭ اشىقتىعى مەن ەدٸلدٸگٸن قامتاماسىز ەتەدٸ», - دەپ اتالىپ ٶتكەن حابارلامادا.
