Munai jetkizýshi alpaýyt kásiporyndar dizel baǵasyn kóterip jiberdi. QR Premer-Ministriniń birinshi orynbasary Roman Skliar Májilis depýtattarynyń saýalyna osylai jaýap berdi, dep habarlaidy QazAqparat.
«Aqparat-analitika agenttikteriniń deregi boiynsha, munai jetkizýshi iri kásiporyndar («PETROSUN» JShS men «QazMunaiGaz» UK» AQ) dizeldiń bir tonnasyn 10-15 teńgege nemese litrin 8-12 teńgege deiin kóterip jibergen. Dál osyndai ósim basqa jetkizýshilerden de baiqalyp otyr. Bólshek saýdadaǵy baǵa rettelip otyrǵan kezeńde aktsiz mólsherlemesin kóterý munai jetkizýshiler men jer qoinaýyn paidalanýshylardyń, munai ónimderin satatyn deldaldardyń tabysyn tómendetti. Soǵan qaramastan shekti baǵa ózgerissiz qalyp otyr. Sondyqtan ókótemgi egis naýqany kezinde dizel baǵasy ósken joq» dep jazady Roman Skliar jaýabynda.
Onyń sózinshe, Qazaqstan aýmaǵynda mynandai aktsiz mólsherlemeleri belgilengen:
- benzinniń kóterme saýdasyna (aviatsiia benzinin qospaǵanda) (kod TN VED EAES 2710 12 4110 – 271012 590 0) – 1 tonnaǵa 38 134 teńge;
- dizeldiń kóterme saýdasyna (kod TN VED EAES 2710 19 421 0- 2710 19 425 0) – 1 tonnaǵa 35 726 teńge.
«Buǵan qosa janarmai baǵasynyń kúrt ósýin boldyrmaý úshin munai baǵasyn taýar birjalarynda kóterme baǵamen ótkizýdiń usynymdaryna ózgertýler engizildi. Bul usynymdar birjaldaǵy saýda erejesi bekitilgenge deiin qoldanylady. Ol boiynsha, bir saýda sessiiasynyń kezeńinde baǵa 1%-dan artyq qymbattamaýy kerek. Birjadaǵy saýdaǵa qatysýdyń jyldyq ainalymyna belgilengen 5 myń tonnalyq shek alyp tastaldy. Bul janarmai quiý stansalaryna janarmaidy shaǵyn mólshermen, birja arqyly resýrs ustaýshylardan tikelei satyp alýǵa múmkindik beredi», - dep atap ótti Úkimet basshysynyń orynbasary.
13 mamyrdan bastap dizeldi birjada FCA shartymen sataý qaita jandanǵan bolatyn.
«Munai óńdeýshi zaýyttar usynǵan bastapqy baǵa tonnasyna 222 – 227 myń teńge nemese litrine 184 – 188 teńge boldy. Al bólshek saýdada 1 litr dizeldiń baǵasy 230 – 260 teńge bolyp otyr», - deidi Roman Skliar.
