Depozitterdi dollarlandyrý deńgeii 41,9 paiyzǵa deiin tómendedi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy "Ult aqparat".
«Osy jylǵy aqpannyń sońynda depozitter kólemi valiýta bóliginiń esebinen 2,3 paiyzǵa jyl basynan bastap tómendep, 18 trln teńge boldy. Shetel valiýtasyndaǵy depozitter 5,2 paiyzǵa nemese 424 mlrd teńgege tómendedi. Ulttyq valiýtadaǵy salymdar 0,2 paiyzǵa shamaly ǵana qysqardy. Nátijesinde depozitterdi dollarlandyrý deńgeii ótken jylǵy jeltoqsandaǵy 43,1 paiyzben salystyrǵanda biylǵy aqpanda 41,9 paiyzǵa deiin tómendedi»,- dedi Erbolat Dosaev.
Onyń dereginshe, jyl basynan bastap ekonomikaǵa kreditter negizinen qysqa merzimdi kreditterdiń 4,5 paiyzǵa nemese 92 mlrd teńgege qysqarýyna bailanysty aqpannyń sońynda 13,8 trln teńgege deiin azaidy. Uzaq merzimdi kreditter 11,9 trln teńgege deiin 0,3 paiyzǵa ulǵaidy.
