دەپوزيتتەردٸ دوللارلاندىرۋ دەڭگەيٸ 41,9 پايىزعا دەيٸن تٶمەندەدٸ. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى "ۇلت اقپارات".
«وسى جىلعى اقپاننىڭ سوڭىندا دەپوزيتتەر كٶلەمٸ ۆاليۋتا بٶلٸگٸنٸڭ ەسەبٸنەن 2,3 پايىزعا جىل باسىنان باستاپ تٶمەندەپ, 18 ترلن تەڭگە بولدى. شەتەل ۆاليۋتاسىنداعى دەپوزيتتەر 5,2 پايىزعا نەمەسە 424 ملرد تەڭگەگە تٶمەندەدٸ. ۇلتتىق ۆاليۋتاداعى سالىمدار 0,2 پايىزعا شامالى عانا قىسقاردى. نەتيجەسٸندە دەپوزيتتەردٸ دوللارلاندىرۋ دەڭگەيٸ ٶتكەن جىلعى جەلتوقسانداعى 43,1 پايىزبەن سالىستىرعاندا بيىلعى اقپاندا 41,9 پايىزعا دەيٸن تٶمەندەدٸ»,- دەدٸ ەربولات دوساەۆ.
ونىڭ دەرەگٸنشە, جىل باسىنان باستاپ ەكونوميكاعا كرەديتتەر نەگٸزٸنەن قىسقا مەرزٸمدٸ كرەديتتەردٸڭ 4,5 پايىزعا نەمەسە 92 ملرد تەڭگەگە قىسقارۋىنا بايلانىستى اقپاننىڭ سوڭىندا 13,8 ترلن تەڭگەگە دەيٸن ازايدى. ۇزاق مەرزٸمدٸ كرەديتتەر 11,9 ترلن تەڭگەگە دەيٸن 0,3 پايىزعا ۇلعايدى.
