Qazaqstanda demalys kúnderi eki kún qatarynan (7 jáne 8 shilde kúnderi) qaýipsizdik erejisin saqtamai, ruqsat etilmegen jerde shomylǵan 20 adam sýǵa batyp ketti, onyń ishinde balalar da bar. Bul týraly IIM Tótenshe jaǵdailar jónindegi komitetiniń resmi ókili Rýslan Imanqulov málimdedi.
Ólim jaǵdaiy Shyǵys Qazaqstan (5 adam), Qyzylorda (úsh adam), Qaraǵandy (úsh adam), Soltústik Qazaqstan (eki adam), Almaty (bir adam), Qostanai (bir adam), Aqmola (eki adam) Batys Qazaqstan (bir adam) óńirleri, Astana (bir adam) jáne Almaty (bir adam) tirkeldi.
Vedomstvo ókili kóp jaǵdaida turǵyndardyń qutqarýshylardyń sózine qulaq aspaityndyǵyn atap ótti. Senbi kúnindegi jaǵdai sekildi, qutqarýshylar turǵyndardy qaýipti aimaqta júzýge bolmaityndyǵyn eskertse de, Qostanaida sýǵa batyp bara jatqan áielderdi qutqarǵan er adam otbasynyń kóz aldynda mert boldy.
Jeksenbi kúni Jaiyq ózeninde Komintern aýylynda jabaiy jaǵajaiynda taǵy bir oqys oqiǵa boldy, dep habarlaidy "Moi gorod". Kýágerlerdiń aitýynsha, qyz shomylý kezinde sýǵa batyp ketken. Onyń denesi ózennen tabyldy.
Qazaqstanda 50 myńnan astam sý qoimasy bar. Kez kelgen suraqtar boiynsha Tótenshe jaǵdailar jónindegi komitettiń aýmaqtyq bólimshelerine habarlasyńyz. Sý qaýipsizdigi erejelerin TJK saitynan tabýǵa bolady.
