Foto: Polisia.kz
22–26 qyrkúiek aralyǵynda el aýmaǵynda esirtki quraldarynyń, psihotroptyq zattar men prekýrsorlardyń, sondai-aq ýytty jáne kúshti áser etetin dárilerdiń zańdy ainalymyn baqylaýǵa baǵyttalǵan "Dármek" jedel-aldyn alý is-sharasy júrgizildi, dep habarlaidy Ult.kz.
Tekserýler nátijesinde:
-
Qylmystyq kodekstiń 303-baby boiynsha meditsina qyzmetkerlerine qatysty 11 qylmystyq is qozǵaldy;
-
278 ákimshilik quqyqbuzýshylyq anyqtaldy;
-
Zańsyz ainalymnan shamamen 7 myń dári-dármek jáne qosarly maqsattaǵy 80 tonna ýytty zat tárkilendi;
-
Meditsina salasynda ákimshilik zańnamany buzýdyń 190-nan astam faktisi tirkeldi;
-
202 meditsina qyzmetkerine qatysty materialdar jinalyp, quramynda esirtki bar 40 myńǵa jýyq tabletka, 290 myń psihotroptyq tabletka jáne 236 myń ampýla tárkilendi.
Respýblika boiynsha barlyǵy 519 meditsinalyq mekeme tekserildi. Ónerkásip salasynda 60 quqyqbuzýshylyq anyqtalyp, 2 myń tonna prekýrsordyń ainalymyna shekteý qoiyldy. 20 zańdy tulǵa jaýapkershilikke tartyldy. Sonymen qatar 159 kásiporyn men 734 kólik quraly tekserýden ótti.
Aimaqtardaǵy derekter:
-
Aqtóbe oblysynda Qytaidan zańsyz jolmen ákelingen 80 tonnadan astam ýytty zat tárkilendi. Onyń jalpy quny – 86 mln teńge.
-
Shyǵys Qazaqstan oblysynda bir JShS dárihanalarynda "Pregabalin", "Zonika" jáne "Alisa" dárileri retseptsiz satylyp, 35 myńnan astam tabletka tárkilendi.
-
Batys Qazaqstan oblysynda 40 jastaǵy turǵynnyń úiinen litsenziiasyz psihotroptyq preparattardy satý faktisi anyqtaldy.
-
Qaraǵandy oblysynda Astanadan Qaraǵandyǵa baǵyt alǵan kólikten jalpy quny 240 myń teńgeden asatyn "Tropikamid", "Pregabalin" jáne "Medazepam" dárileriniń 82 qaptamasy tabyldy.
IIM Esirtki qylmysyna qarsy is-qimyl komitetiniń basqarma bastyǵy Baqytjan Ámirhanov zańsyz ainalymǵa qarsy kúres azamattardyń qaýipsizdigin qamtamasyz etýge jáne «Zań men Tártip» qaǵidatyn nyǵaitýǵa baǵyttalǵanyn atap ótti.
