Foto: Úkimet
Qazaqstannyń dári-dármekpen qamtamasyz etýine respýblikalyq biýdjetten 474 mlrd teńge bólindi. Bul týraly QR Premer-ministri Oljas Bektenov tóraǵalyǵymen ótken Úkimet otyrysynda Densaýlyq saqtaý ministri Aqmaral Álnazarova habarlady.
Ministrdiń aitýynsha, ambýlatoriialyq deńgeide 251 mlrd teńgege 3,5 mln patsient 120 túrli aýrý boiynsha tegin dári-dármekpen qamtamasyz etildi. Eldegi aýyl turǵyndarynyń dári-dármekke qoljetimdiligin arttyrý úshin 172 meditsinalyq uiym men 694 jeke dárihana, sondai-aq 15 jyljymaly dárihana ashyldy.
«Patsientterdiń statsionarlyq deńgeidegi dári-dármekpen qamtamasyz etilýi Qazaqstandyq ulttyq dárilik formýliarǵa sáikes ortalyqtandyrylǵan jáne derbes satyp alý arqyly júzege asyrylady. Biyl Biryńǵai distribiýtordyń 2025 jylǵa arnalǵan satyp alý naýqany bir ai buryn bastaldy, bul «SQ-Farmatsiia» JShS qoimalaryna dárilik zattardy 2025 jylǵy 1 qańtarǵa deiin jetkizýdi qamtamasyz etýge múmkindik beredi», — dep atap ótti Aqmaral Álnazarova.
Sondai-aq Aqmaral Álnazarova 2024 jyly otandyq farmatsevtikalyq ónim óndirisi 18%-ǵa artyp, 124 mlrd teńgege jetkenin aitty.
«2024 jyly uzaq merzimdi kelisimsharttar boiynsha farmatsevtikalyq ónimniń 702 túri satyp alyndy. 2025 jyly óndiris kólemin 1 728 deiin ulǵaitý josparlanýda», — dep atap ótti Aqmaral Álnazarova.
Ministr importty almastyrý jónindegi jumystardy jalǵastyrý sheńberinde 2025 jyldan bastap qoldanystaǵy otandyq taýar óndirýshilerdi qoldai otyryp shyǵarylatyn otandyq preparattardyń tizbesi keńeitiletinin aitty. Jahandyq halyqaralyq farmatsevtikalyq kompaniialarmen yntymaqtastyq jandandyrylady, sondai-aq ofteik kelisimsharttardy engize otyryp, uzaq merzimdi sharttar jasasý talaptary qaita qaralatyn bolady.
«SQ-Farmatsiia» JShS búginde 1200-den astam statsionardy jáne 700 emhanany dári-dármekpen qamtamasyz etedi. Premer-ministr Oljas Bektenov «SQ-Farmatsiia» kompaniiasyna otandyq farmatsevtikalyq óndiristi damytýǵa basymdyq berýdi tapsyrdy.
