فوتو: ٷكٸمەت
قازاقستاننىڭ دەرٸ-دەرمەكپەن قامتاماسىز ەتۋٸنە رەسپۋبليكالىق بيۋدجەتتەن 474 ملرد تەڭگە بٶلٸندٸ. بۇل تۋرالى قر پرەمەر-مينيسترٸ ولجاس بەكتەنوۆ تٶراعالىعىمەن ٶتكەن ٷكٸمەت وتىرىسىندا دەنساۋلىق ساقتاۋ مينيسترٸ اقمارال ەلنازاروۆا حابارلادى.
مينيستردٸڭ ايتۋىنشا, امبۋلاتورييالىق دەڭگەيدە 251 ملرد تەڭگەگە 3,5 ملن پاتسيەنت 120 تٷرلٸ اۋرۋ بويىنشا تەگٸن دەرٸ-دەرمەكپەن قامتاماسىز ەتٸلدٸ. ەلدەگٸ اۋىل تۇرعىندارىنىڭ دەرٸ-دەرمەككە قولجەتٸمدٸلٸگٸن ارتتىرۋ ٷشٸن 172 مەديتسينالىق ۇيىم مەن 694 جەكە دەرٸحانا, سونداي-اق 15 جىلجىمالى دەرٸحانا اشىلدى.
«پاتسيەنتتەردٸڭ ستاتسيونارلىق دەڭگەيدەگٸ دەرٸ-دەرمەكپەن قامتاماسىز ەتٸلۋٸ قازاقستاندىق ۇلتتىق دەرٸلٸك فورمۋليارعا سەيكەس ورتالىقتاندىرىلعان جەنە دەربەس ساتىپ الۋ ارقىلى جٷزەگە اسىرىلادى. بيىل بٸرىڭعاي ديستريبيۋتوردىڭ 2025 جىلعا ارنالعان ساتىپ الۋ ناۋقانى بٸر اي بۇرىن باستالدى, بۇل «سق-فارماتسييا» جشس قويمالارىنا دەرٸلٸك زاتتاردى 2025 جىلعى 1 قاڭتارعا دەيٸن جەتكٸزۋدٸ قامتاماسىز ەتۋگە مٷمكٸندٸك بەرەدٸ», — دەپ اتاپ ٶتتٸ اقمارال ەلنازاروۆا.
سونداي-اق اقمارال ەلنازاروۆا 2024 جىلى وتاندىق فارماتسەۆتيكالىق ٶنٸم ٶندٸرٸسٸ 18%-عا ارتىپ, 124 ملرد تەڭگەگە جەتكەنٸن ايتتى.
«2024 جىلى ۇزاق مەرزٸمدٸ كەلٸسٸمشارتتار بويىنشا فارماتسەۆتيكالىق ٶنٸمنٸڭ 702 تٷرٸ ساتىپ الىندى. 2025 جىلى ٶندٸرٸس كٶلەمٸن 1 728 دەيٸن ۇلعايتۋ جوسپارلانۋدا», — دەپ اتاپ ٶتتٸ اقمارال ەلنازاروۆا.
مينيستر يمپورتتى الماستىرۋ جٶنٸندەگٸ جۇمىستاردى جالعاستىرۋ شەڭبەرٸندە 2025 جىلدان باستاپ قولدانىستاعى وتاندىق تاۋار ٶندٸرۋشٸلەردٸ قولداي وتىرىپ شىعارىلاتىن وتاندىق پرەپاراتتاردىڭ تٸزبەسٸ كەڭەيتٸلەتٸنٸن ايتتى. جاھاندىق حالىقارالىق فارماتسەۆتيكالىق كومپانييالارمەن ىنتىماقتاستىق جانداندىرىلادى, سونداي-اق وفتەيك كەلٸسٸمشارتتاردى ەنگٸزە وتىرىپ, ۇزاق مەرزٸمدٸ شارتتار جاساسۋ تالاپتارى قايتا قارالاتىن بولادى.
«سق-فارماتسييا» جشس بٷگٸندە 1200-دەن استام ستاتسيوناردى جەنە 700 ەمحانانى دەرٸ-دەرمەكپەن قامتاماسىز ەتەدٸ. پرەمەر-مينيستر ولجاس بەكتەنوۆ «سق-فارماتسييا» كومپانيياسىنا وتاندىق فارماتسەۆتيكالىق ٶندٸرٸستٸ دامىتۋعا باسىمدىق بەرۋدٸ تاپسىردى.
