COVID-19 indeti bar 340 bala baqylaýda tur. Bul týraly QR Densaýlyq saqtaý vitse-ministri Ajar Ǵiniiat málim etti, dep habarlaidy "Ult aqparat".
«Koronavirýs infektsiiasynyń pandemiiasy kezeńinde balalardyń densaýlyǵyn saqtaý Qazaqstannyń densaýlyq saqtaý júiesiniń basym baǵyty bolyp otyr. Kún saiyn jańa týǵan náresteler men koronavirýstyq infektsiiasy bar balalar jaǵdaiyna monitoring pen baqylaý júrgiziledi. Biyl elimizde COVID-19 diagnozy rastalǵan barlyǵy 3 164 bala tirkelgen, onyń ishinde 114 jańa týǵan náreste bar. Osy oraida barlyq jaǵdailar PTR nátijelerimen rastalǵan», - dedi vitse-ministr Ortalyq kommýnikatsiialar qyzmetinde.
Onyń sózine qaraǵanda, COVID-19 diagnozy zerthanalyq rastalmaǵan KVI 1810 balada tirkelgen. Balalarda COVID-19 infektsiiasynan ólim-jitim bolǵan joq.
«Koronavirýstyq infektsiianyń aǵymy 85 paiyz (2697) balalarda simptomsyz jáne jeńil boldy, 14,2 paiyzynda (448) ortasha dárejede jáne 19 balada aýyr boldy. Bul barlyq jaǵdailardyń 0,6 paiyzyn qurady, barlyǵy statsionarlyq jaǵdaida emdeldi», - dedi A. Ǵiniiat.
Onyń aitýynsha, qazirgi kezde COVID-19 indeti bar 340 bala baqylaýda tur, onyń ishinde jańa týǵan 3 náreste, 18 jasqa deiingi balalar-337, emdeýge jatqyzylǵandar - 55, ambýlatoriialyq emdeýde – 285.
«7 (2,1%) bala arasynda virýstyq pnevmoniia diagnozy qoiylǵan, 3 (0,9%) patsientte pnevmoniia negizinen bakteriialyq sipatta bolady», - dedi vitse-ministr.
