Biryńǵai jinaqtaýshy zeinetaqy qorynan ai saiynǵy eń joǵary tólem 446 myń teńgeden asyp jyǵyldy. Bul týraly atalǵan qordyń baspasóz qyzmetinen málim etti, dep habarlaidy "Ult aqparat".
Taratylǵan aqparatqa sáikes, 2020 jyldyń alǵashqy aiynda 146 myńnan astam alýshy úshin zeinetaqy tólemderi men saqtandyrý uiymdaryna jasalǵan aýdarymdar 17,9 mlrd teńgeni qurady. Onyń ishinde zeinet jasyna tolýǵa bailanysty – 7,4 mlrd, Qazaqstannan shetelge turaqty turýǵa ketýge bailanysty – 4,8 mlrd teńge, saqtandyrý uiymdaryna jasalǵan aýdarymdar – 2,6 mlrd teńge, muragerlik boiynsha – 2,5 mlrd teńge, jerleýge bailanysty – 311 mln teńge, múgedektigi bar jandarǵa 200 mln teńge tólendi.
«BJZQ-dan zeinetaqy tólemderiniń ortasha somasy 100 803 teńge boldy. Bul somaǵa keste boiynsha tólemder, sonymen qatar zeinet jasy, shetelge turaqty turýǵa ketý, jerleý, múgedektik, muragerlik jáne sot sheshimi boiynsha birjolǵy tólemder kiredi. Al keste boiynsha ai saiynǵy zeinetaqy tólemderiniń ortasha somasy – 21 810 teńgeni ai saiynǵy eń joǵary tólem 446 794 teńgeni qurady», - dep atap ótedi qordan.
