2020 jylǵy qańtar-qarashada elimizde 720 026 jeńil avtomobil tirkeldi, dep habarlaidy "Ult aqparat".
«2020 jylǵy qańtar-qarashada Qazaqstan Respýblikasynda 720 026 jeńil avtomobil tirkelgen. Bul ótken jylǵy tiisti kezeńmen salystyrǵanda 10,8 paiyzǵa kem. Qazaqstan Respýblikasynda 2020 jylǵy 1 jeltoqsandaǵy jaǵdai boiynsha tirkelgen jeńil avtomobilderdiń sany 3 898,1 myń birlikti qurady», - delingen QR Strategiialyq josparlaý jáne reformalar agenttiginiń Ulttyq statistika biýrosy taratqan aqparatta.
Vedomstvo málimetinshe, ótken jyldyń 11 aiynda 11 837 jol-kólik oqiǵasy tirkelip, 17 193 adam zardap shekti. Ótken jylǵy tiisti kezeńmen salystyrǵanda jol-kólik oqiǵasy 20,2 paiyzǵa kemidi.
2020 jylǵy 1 jeltoqsandaǵy jaǵdai boiynsha kólik quraldary ieleriniń azamattyq-quqyqtyq jaýapkershiligin mindetti saqtandyrý boiynsha saqtandyrý uiymdary 26,1 mlrd teńge somasynda 62 346 saqtandyrý tólemin júzege asyrdy.
