Qazaqstanda buildingSMART baǵdarlamasy boiynsha injenerler men qurylysshylardy daiarlaý bastalady, dep habarlaidy QazAqparat QR IIDM baspasóz qyzmetine silteme jasap.
Oqytý ortalyǵynyń sertifikattalǵan túlekteri buildingSMART halyqaralyq tizilimine engiziledi.
Qurylys salasyn tsifrlandyrý jónindegi mindetter sheńberinde «Qazaq qurylys jáne sáýlet ǵylymi-zertteý jáne jobalaý institýty» AQ 2021 jyly turǵyn úiler men ózge de obektilerdi jobalaý jáne salý kezinde jii paidalanylatyn 30 memlekettik qurylys normativin tsifrlandyrdy.
Nátijesinde avtomattandyrylǵan rejimde qurylys obektileriniń tsifrlyq modelderin qurylys normalary men erejeleriniń talaptaryna sáikestigin tekserýge, sol arqyly adami faktor saldarynan jiberiletin qatelikter táýekelin barynsha azaitýǵa múmkindik beredi.
Budan basqa, saraptama jumysyn ishinara avtomattandyrýǵa jáne obektilerdi jobalaý, salý jáne paidalaný protsesteriniń ashyqtyǵyn eleýli túrde arttyrady. Qurylys sapasy men merzimin qysqartýǵa oń áser etedi.
Sonymen qatar, Institýt 2021 jyly qurylystaǵy Injener-konsýltanttardyń ulttyq qaýymdastyǵymen (RF) QazQSǴZI bazasynda buildingSMART kásibi sertifikattaý baǵdarlamasy boiynsha qurylys salasy mamandaryn daiarlaityn alǵashqy ortalyq qurý týraly kelisim jasady.
Ortalyq Qazaqstannyń injener-jobalaýshylary men qurylysshylaryna emtihan tapsyryp, búkil álemde tanylatyn qujattar alýǵa, qurylystaǵy aqparattyq modeldeý tehnologiialary boiynsha álemdik deńgeide oqýǵa múmkindik beredi.
Ortalyqtyń sertifikattalǵan túlekteri buildingSMART International ortalyqtandyrylǵan ashyq tizilimine engiziledi.
