Ulttyq ekonomika ministri Álibek Qýantyrov eldegi áleýmettik-ekonomikalyq jaǵdaidy turaqtandyrý jónindegi jospardy usyndy. Onda túrli baǵyt boiynsha 51 tarmaq engizilgen, dep habarlaidy Sputnik Qazaqstan.
Tarmaqtardyń biri halyq pen kásipkerlikti qoldaý sharalaryn qamtidy. Atap aitqanda, salyqtyq jáne kedendik tekseristerdi 2022 jyldyń 1 aqpanyna deiin ýaqytsha toqtatý jáne keiinge shegerý, ýtilizatsiialyq alym stavkalaryn qaita qarastyrý.
Jospardaǵy taǵy bir tarmaq boryshkerlerdi úiinen shyǵarýǵa qatysty.
"2022 jyldyń 20 sáýirine deiin úiinen shyǵarý, kóshirý jáne ǵimarattardy súrýmen bailanysty atqarýshylyq is-áreketterdi júrgizýge ýaqytsha tyiym engiziledi", - dedi Álibek Qýantyrov.
Qoǵamdyq tártip pen qaýipsizdikti, áleýmettik jáne basqa infraqurylymdy qalpyna keltirý baǵyty boiynsha josparda 11 is-shara qarastyrylǵan. Olar kúsh qurylymy qyzmetkerleriniń rýhyn kóterý, jaýyngerlik daiyndyqty arttyrý, búlingen nysandardy qalpyna keltirýdi qamtidy.
Úkimet búgin atalǵan jospardy maquldady.
