Sýret: Aqorda
Qasym-Jomart Toqaev ShYU otyrysynda ekologiia jáne klimattyń ózgerýine qarsy kúres salalaryndaǵy yntymaqtastyqtyń ózektiligine toqtaldy.
Prezidenttiń aitýynsha, Qazaqstanda bolǵan sý tasqynyna jahandyq jylyný protsesi áser etken.
"Biz túrli tabiǵi kataklizmderdiń aitarlyqtai kóbeigenine kýá boldyq. Álemdegi barsha memleket budan orasan zor zardap shegip otyr. Jýyrda Qazaqstan buryn-sońdy bolmaǵan sý tasqynyn bastan ótkerdi. Mamandardyń pikirinshe, bul tabiǵat apatynyń aýqymy jahandyq jylyný protsesimen tikelei bailanysty. Klimattyń syn-qaterlerin jalǵyz eńserý múmkin emes ekeni anyq. Álemdik qaýymdastyq ekonomikany dekarbonizatsiialaý jónindegi batyl qadamyn jalǵastyrýǵa tiis dep sanaimyn. Biraq bul memleketterdiń damýǵa jáne jańǵyrýǵa baǵyttalǵan mańyzdy mindetterine ziianyn tigizbeýi kerek", – dedi Qasym-Jomart Toqaev.
Prezident ishki sý kózderiniń degradatsiiaǵa ushyraý problemasyn sheshý, jańa sý únemdeý tehnologiialaryn engizý jónindegi is-qimyl josparyn ázirleýdi usyndy. ShYU-ǵa múshe memleketterdiń bul baǵyttaǵy ortaq kúsh-jigeri BUU Bas Assambleiasy jariialaǵan muzdyqtardy saqtaýdyń halyqaralyq jyly aiasyndaǵy maqsattardy júzege asyrýǵa ShYU-nyń qosqan naqty úlesi bolmaq.
