سۋرەت: اقوردا
قاسىم-جومارت توقاەۆ شىۇ وتىرىسىندا ەكولوگييا جەنە كليماتتىڭ ٶزگەرۋٸنە قارسى كٷرەس سالالارىنداعى ىنتىماقتاستىقتىڭ ٶزەكتٸلٸگٸنە توقتالدى.
پرەزيدەنتتٸڭ ايتۋىنشا, قازاقستاندا بولعان سۋ تاسقىنىنا جاھاندىق جىلىنۋ پروتسەسٸ ەسەر ەتكەن.
"بٸز تٷرلٸ تابيعي كاتاكليزمدەردٸڭ ايتارلىقتاي كٶبەيگەنٸنە كۋە بولدىق. ەلەمدەگٸ بارشا مەملەكەت بۇدان وراسان زور زارداپ شەگٸپ وتىر. جۋىردا قازاقستان بۇرىن-سوڭدى بولماعان سۋ تاسقىنىن باستان ٶتكەردٸ. مامانداردىڭ پٸكٸرٸنشە, بۇل تابيعات اپاتىنىڭ اۋقىمى جاھاندىق جىلىنۋ پروتسەسٸمەن تٸكەلەي بايلانىستى. كليماتتىڭ سىن-قاتەرلەرٸن جالعىز ەڭسەرۋ مٷمكٸن ەمەس ەكەنٸ انىق. ەلەمدٸك قاۋىمداستىق ەكونوميكانى دەكاربونيزاتسييالاۋ جٶنٸندەگٸ باتىل قادامىن جالعاستىرۋعا تيٸس دەپ سانايمىن. بٸراق بۇل مەملەكەتتەردٸڭ دامۋعا جەنە جاڭعىرۋعا باعىتتالعان ماڭىزدى مٸندەتتەرٸنە زييانىن تيگٸزبەۋٸ كەرەك", – دەدٸ قاسىم-جومارت توقاەۆ.
پرەزيدەنت ٸشكٸ سۋ كٶزدەرٸنٸڭ دەگراداتسيياعا ۇشىراۋ پروبلەماسىن شەشۋ, جاڭا سۋ ٷنەمدەۋ تەحنولوگييالارىن ەنگٸزۋ جٶنٸندەگٸ ٸس-قيمىل جوسپارىن ەزٸرلەۋدٸ ۇسىندى. شىۇ-عا مٷشە مەملەكەتتەردٸڭ بۇل باعىتتاعى ورتاق كٷش-جٸگەرٸ بۇۇ باس اسسامبلەياسى جارييالاعان مۇزدىقتاردى ساقتاۋدىڭ حالىقارالىق جىلى اياسىنداعى ماقساتتاردى جٷزەگە اسىرۋعا شىۇ-نىڭ قوسقان ناقتى ٷلەسٸ بولماق.
