Sońǵy úsh ai ishinde Qazaqstannyń aviatsiialyq ákimshiligi Boeing 737 MAX ushaǵyn iske qosýǵa daiyndyq júrgizýde. Bul týraly Azamattyq aviatsiia komiteti habarlady.
Qazaqstannyń aviatsiialyq ákimshiligi áýe kompaniiaǵa treningter ótkizýge, óndirýshiniń jańartylǵan protsedýralaryn ustanýǵa, sondai-aq ushý, biiktikke kóterilý kezeńderinde jáne eshelonda jyldamdyq quraldary durys kórsetilmegen jaǵdaida ekipajdardyń áreketterin trenajerlik daiarlaý baǵdarlamasyna qosýdy usyndy.
Qazirgi ýaqytta SCAT injenerlik-aviatsiialyq qyzmeti jáne Qazaqstanǵa kelgen Boeing kompaniiasynyń tehnikalyq mamandary áýe kemesin qaita iske qosýdyń jáne baǵdarlamalyq jasaqtamany modifikatsiialaýdyń barlyq protsedýralaryn aiaqtady.
SCAT ushqyshtary álemdegi sertifikattalǵan jattyǵý ortalyqtarynyń birinde trenajerlik daiyndyqtan ótti. Aldaǵy aptada kompaniia testilik ushýlardy oryndaýdy josparlap otyr. Qazirgi ýaqytta áýe kemesi áýe kemesin óndirýshiniń jáne AQSh pen Qazaqstannyń aviatsiialyq bilik oryndarynyń talaptaryna sáikes ony paidalanýǵa qaitarý boiynsha tehnikalyq jumystardy oryndaýdyń qorytyndy kezeńinen ótýde.
Áýe kemesiniń ushýǵa jaramdylyǵyn baǵalaý boiynsha sertifikattyq tekserýdi 2021 jylǵy aqpanda júrgizý josparlanyp otyr. «Qazaqstannyń aviatsiialyq ákimshiligi» AQ áýe kemesiniń kommertsiialyq ushýlardy qalpyna keltirýge daiyndyǵyn tekseredi.
Esterińizge sala keteiik, 2019 jyldyń naýryz aiynda Azamattyq aviatsiia komiteti SCAT áýe kompaniiasynyń Boeing 737 MAX ushaǵyn paidalanýdy ýaqytsha toqtatty. Qazaqstandyq tizilimde osy úlgidegi bir áýe kemesi tirkelgen.
Boeing 737 MAX-tiń jumysyn barlyq elder eki qaiǵyly aviatsiialyq apattan keiin ýaqytsha toqtatty.
Júrgizilgen jumys barysynda 4400 saǵattan astam testileý ótkizildi, onyń ishinde 1350 ushýlar oryndaldy. Retteýshiler júrgizgen ushaqtyń ushý synaqtary jańartylǵan baǵdarlamalyq jasaqtamanyń qaýipsizdigi men tiimdiligin kórsetti.
2021 jyldyń 27 qańtarynda 737 MAX Ushý qaýipsizdigi jónindegi eýropalyq aviatsiialyq agenttigi agenttigi (EASA) jáne Ulybritaniianyń Azamattyq aviatsiia basqarmasy (UK CAA) maquldady, bul Eýropada ushýdy qaita bastaýǵa jol ashty.
