Foto: trade-help.com
Kásipker Shynar Qurmanǵali Qazaqstanda saýda ornyn jalǵa alý quny sharyqtap turǵanyn jazdy. Ásirese, saýda ortalyqtarynda kásip bastaý ońai emes deidi kásipker.
Osydan keiin ol saýda ortalyqtarynda jalǵa alý quny qansha ekenin aitty:
- Kádimgi sýda oiyn-saýyq ortalyqtarynda 1 m² 15 000 – 20 000 teńge;
- Han Shatyr men Mega- da 1 m² – 100$ (45 000 teńge);
Buǵan qosa, 2-3 ailyq depozit tóleý qajettiligi bar.
Mysaly, Mega Silk Way- den 100 m² býtik alsańyz:
- 15 mln teńge – depozit;
- 5 mln teńge – ai saiynǵy jaldaý quny;
- Barlyǵy 20 mln teńge – tek kirip alý úshin;
Al budan bólek:
- Jóndeý jumystary – 10 mln teńge;
- Jihaz – 8-9 mln teńge;
- Taýar kirgizý – 20-30 mln teńge;
"Endi esepteńiz, kishigirim dúken ashý úshin 50-60 mln teńge kerek. Al onyń qai ýaqytta óteletinin qudai biledi. Ótelmeýi de múmkin... Kóp TRTs (sýda oiyn-saýyq ortalyǵy. red) jalǵa alýshylardy uzaq ustap qalýǵa múddeli emes. Sebebi olar úshin kóbirek adam kirip, kóbirek depozit tólegeni tiimdi. Bireý kirdi – 2-3 ailyq depozitin tóleidi, birazdan soń ketedi, ornyna jańa adam keledi – taǵy depozit. Osylai aýadan aqsha jasap otyrady", - deidi Shynar Qurmanǵali.
Sondai-aq ol sýda oiyn-saýyq ortalyqtary basshylary tabysyńnan paiyz suraitynyn aityp otyr.
"Mysaly, “Mega” qosymsha tabysyńnan úles suraidy. Marketing dep m² úshin 1000 teńgeden taǵy qosady. Kommýnalka, basqa da tólemderdi ústinen japsyra beredi. Jergilikti kásipkerler qinalady, al sheteldikterge jeńildik jasalady", - deidi kásipker.
Saýda ortalyqtary Zara, Waikiki siiaqty brendterge jaldaýǵa arzan baǵamen beredi. Olardy tipti jalynyp shaqyrady, deidi ol.
"Olarǵa 1 m² 5000 teńgeden, al ózimizdiń kásipkerlerge 15 000 – 45 000 teńge", - deidi ol.
Kásipker osydan keiin ádildik bar dep qalai aitamyz dep nalidy.
"Bizdiń elde kásip bastaý qiyn emes, ony júrgizý qiyn. Kásipkerlerge qoldaý joq, kerisinshe, barynsha qinap, múmkindigin shektep tastaǵan. Al arendaǵa berýshiler oilaryna kelgen baǵany qoiady. Olar eshkimge baǵynbaidy", - dep jazdy Shynar Qurmanǵali.
