Azyq-túlik baǵasynyń eń joǵary ósimi Atyraý oblysynda (6,8%), Nur-Sultan (6,3%) jáne Shymkent qalalarynda (5,6%) tirkeldi. Bul týraly Úkimet otyrysynda QR Saýda jáne integratsiia ministri Baqyt Sultanov aitty, dep habarlaidy "Ult aqparat".
«Osy jyldyń basynan beri áleýmettik mańyzy bar azyq-túlik óniminiń baǵasy 4,8% ósti. Atalǵan ósim ótken jyly qańtar-sáýir ailarynda tirkelgen 5,5% kórsetkishten tómen. Degenmen biyl sáýir aiynda baǵalar 1,7% qymbattady. Eń joǵary baǵa ósimi Atyraý oblysynda (6,8%), Nur-Sultan (6,3%) jáne Shymkent qalalarynda (5,6%) tirkeldi. Baǵanyń eń tómen ósimi Almaty (4,0%), Qaraǵandy (4,3%) jáne Qyzylorda oblysynda (4,4%) baiqalǵan», - deidi Baqyt Sultanov.
Onyń aitýynsha, baǵanyń ósýine importqa táýeldi ónimder, onyń ishinde qant, qaraqum jarmasy, kúnbaǵys maiy siiaqty joǵary eksporttyq suranysqa ie taýarlar sebep bolyp otyr.
Sondai-aq, maýsymaralyq kezeńde dástúrli túrde baǵanyń ósimi baiqalady.
«Baǵa ósimi álemdegi barlyq elde tirkeldi. BUU Azyq-túlik jáne aýyl sharýashylyǵy uiymynyń derekterine sáikes, biyl tórt aidyń ishinde baǵa ósimi 11,4%-dy quraǵan. Reseimen salystyrǵanda bizdiń eldegi azyq-túlik baǵasynyń ósimi 2-3 ese tómen», - deidi ol.
