ازىق-تٷلٸك باعاسىنىڭ ەڭ جوعارى ٶسٸمٸ اتىراۋ وبلىسىندا (6,8%), نۇر-سۇلتان (6,3%) جەنە شىمكەنت قالالارىندا (5,6%) تٸركەلدٸ. بۇل تۋرالى ٷكٸمەت وتىرىسىندا قر ساۋدا جەنە ينتەگراتسييا مينيسترٸ باقىت سۇلتانوۆ ايتتى, دەپ حابارلايدى "ۇلت اقپارات".
«وسى جىلدىڭ باسىنان بەرٸ ەلەۋمەتتٸك ماڭىزى بار ازىق-تٷلٸك ٶنٸمٸنٸڭ باعاسى 4,8% ٶستٸ. اتالعان ٶسٸم ٶتكەن جىلى قاڭتار-سەۋٸر ايلارىندا تٸركەلگەن 5,5% كٶرسەتكٸشتەن تٶمەن. دەگەنمەن بيىل سەۋٸر ايىندا باعالار 1,7% قىمباتتادى. ەڭ جوعارى باعا ٶسٸمٸ اتىراۋ وبلىسىندا (6,8%), نۇر-سۇلتان (6,3%) جەنە شىمكەنت قالالارىندا (5,6%) تٸركەلدٸ. باعانىڭ ەڭ تٶمەن ٶسٸمٸ الماتى (4,0%), قاراعاندى (4,3%) جەنە قىزىلوردا وبلىسىندا (4,4%) بايقالعان», - دەيدٸ باقىت سۇلتانوۆ.
ونىڭ ايتۋىنشا, باعانىڭ ٶسۋٸنە يمپورتقا تەۋەلدٸ ٶنٸمدەر, ونىڭ ٸشٸندە قانت, قاراقۇم جارماسى, كٷنباعىس مايى سيياقتى جوعارى ەكسپورتتىق سۇرانىسقا يە تاۋارلار سەبەپ بولىپ وتىر.
سونداي-اق, ماۋسىمارالىق كەزەڭدە دەستٷرلٸ تٷردە باعانىڭ ٶسٸمٸ بايقالادى.
«باعا ٶسٸمٸ ەلەمدەگٸ بارلىق ەلدە تٸركەلدٸ. بۇۇ ازىق-تٷلٸك جەنە اۋىل شارۋاشىلىعى ۇيىمىنىڭ دەرەكتەرٸنە سەيكەس, بيىل تٶرت ايدىڭ ٸشٸندە باعا ٶسٸمٸ 11,4%-دى قۇراعان. رەسەيمەن سالىستىرعاندا بٸزدٸڭ ەلدەگٸ ازىق-تٷلٸك باعاسىنىڭ ٶسٸمٸ 2-3 ەسە تٶمەن», - دەيدٸ ول.
