Sybailas jemqorlyqqa qarsy is-qimyl agenttigi ákimder arasynda kimniń otstavkaǵa ketkenin jariialady, dep habarlaidy Sputnik Qazaqstan.
"Baǵynyshtylardyń sybailas jemqorlyq quqyqbuzýshylyqtary úshin 3 saiasi memlekettik qyzmetshi otstavkaǵa ketý týraly ótinish berdi", - dep delingen habarlamada.
Jambyl oblysy Shý aýdanynyń ákimi aýyldyq okrýg ákimine qatysty úkim shyqqannan keiin otstavkaǵa berip, óz erkimen qyzmetinen bosatyldy. Ol prokýratýra narazylyǵyn qaraý boiynsha sot sheshimin kútpegen.
Al aýyldyq okrýg ákimi Álimqulov qylmystyq kodekstiń 361-baby 1-bóligi ("laýazymdyq ókilettikterdi teris paidalaný") boiynsha ómir boiyna belgili bir laýazymdardy atqarý quqyǵynan aiyryldy. Oǵan 505 myń teńge kóleminde aiyppul salyndy.
Batys Qazaqstan oblysy Shyńǵyrlaý aýdanynyń ákimi otstavkaǵa ketti. Oǵan baǵynyshty aýdandyq bilim bóliminiń basshysy 2019 jyldyń 10 jeltoqsanyna deiin sybailas jemqorlyq qylmysyn jasady.
"Bilim bóliminiń basshysy bolǵan Saparov qylmystyq-protsestik kodeksiniń eki birdei baby boiynsha aiyptalyp, memlekettik qyzmetti atqarý quqyǵynan ómir boiyna aiyryldy. Sondai-aq, úsh jarym jylǵa bas bostandyǵynan aiyryldy", - dep habarlady Sybailas jemqorlyqqa qarsy is-qimyl agenttigi.
Qaraǵandy oblysy Sátbaev qalasynyń ákimi qalalyq turǵyn úi kommýnaldyq sharýashylyǵy, jolaýshylar kóligi jáne avtomobil joldary bólimi basshysynyń sybailas jemqorlyq quqyqbuzýshylyǵy úshin otstavkaǵa berdi. Al Kúnedilovaǵa qylmystyq kodeksiniń 190-baby 3-bóligi ("Alaiaqtyq") boiynsha belgili bir laýazymdarda qyzmet atqarýǵa ómir boiyna tyiym salyndy. Sondai-aq, ol 12 million teńge kóleminde aiyppul tóleidi.
Alaida Sátbaev qalasy ákiminiń otstavkasy qabyldanǵan joq, ol sógis túrinde tártiptik jaýapkershilikke tartyldy.
"Jaqynda Qostanai oblysy Rýdnyi qalasy apparatynyń basshysy Qashar kentiniń ákimine qatysty sybailas jemqorlyq quqyqbuzýshylyqtyń tergelýine bailanysty óz erkimen jumystan bosatý týraly ótinish jazdy", - delingen aqparatta.
Agenttiktiń málimetinshe, qazir sotqa deiingi tergeý jáne sot talqylaýy kezeńinde birqatar memlekettik qyzmetshige qatysty qylmystyq is bar. Olar qylmystyq jaýapkershilikke tartylǵan jaǵdaida, saiasi memlekettik laýazymdy atqaratyn 16 basshy otstavkaǵa berýi tiis. Onyń úsheýi respýblikalyq deńgeidegi basshy bolsa, úsh oblystyq, úsh qalalyq, jeti aýdandyq deńgeidegi basshy bar.
Budan basqa 45 ákimshilik memlekettik qyzmetshi baǵynyshty adamdar sottalǵan jaǵdaida tártiptik jaýapkershilikke tartylady, dep tolyqtyrdy Sybailas jemqorlyqqa qarsy is-qimyl agenttigi.
