Qazaqstanda qysqy birneshe sport túri boiynsha bas jattyqtyrýshylardyń qyzmeti qaita qaralady. Bul týraly QR Mádeniet jáne sport ministri Dáýren Abaev málim etti, dep habarlaidy QazAqparat.
«Nátije úshin bas jattyqtyrýshy jaýap beredi. Nátije taǵaiyndalǵannan keiin 2-3 jyldan keiin bolýy kerek. Al bizde 10 jyl boiy bas jattyqtyrýshy bolyp, esh nátije kórsetpeitinder bar. Sondyqtan keibir bas jattyqtyrýshylardyń qyzmetten ketkeni abzal. Bul - zańdy qubylys. Osy oraida birneshe sport túri boiynsha bas jattyqtyrýshylardyń qyzmetin qaita qaraýdy tapsyramyn. Aitalyq, shańǵy jarysy, biatlon, fristail-akrobatika, tramplinnen shańǵymen sekirý sekildi sport túrleri», - dedi Dáýren Abaev Shýchinskide ótken XXIV qysqy olimpiada oiyndarynyń qorytyndysyna arnalǵan keńeitilgen otyrysta
Ministrdiń aitýynsha, kelesi olimpiadaǵa daiyndyqty búginnen bastaý kerek.
«Tokio jáne Beijiń olimpiadasy nátijesinde otandyq sporttyń shama-sharqyn kórdik. Endigi sharýa shuǵyl sheshim qabyldap, olimpiadaǵa daiyndyqty odan ári jalǵastyrý. Erteń emes búginnen bastap qolǵa alý qajet», - deidi ol.
