TMD elderiniń ishinde Qazaqstan ǵana synalatyn konstrýktsiiany rezonansqa engizetin, sol arqyly 9 baldyq jer silkinisine jasaityn biregei V-3 vibrodinamikalyq mashinasyn saqtap qaldy, dep habarlaidy "Ult aqparat" Indýstriia jáne infraqurylymdyq damý ministrliginiń Qurylys jáne turǵyn úi-kommýnaldyq sharýashylyq isteri komitetine silteme jasap.
Seismikalyq tózimdilikti tekseretin synaqtardy Qazaq qurylys jáne sáýlet ǵylymi-zertteý jáne jobalaý institýtynyń («QazQSǴZI» AQ) ǵalymdary júrgizedi.
2020 jyldyń sońynda «QazQSǴZI» AQ mamandary jańa zamanaýi Modex zaýytynda shyǵarylǵan kólemdi bloktardy aýqymdy synaýdyń kelesi kezeńin aiaqtady.
Kólemdi bloktardy qoldanatyn modýldik turǵyn úi qurylysy Qazaqstanda buryn qoldanylmaǵan, sondyqtan oǵan ǵylymi zertteý men eksperiment júrgizý qajet. Bul synaqtar Qazaqstan úshin mańyzdy, óitkeni modýldi bloktardy paidalaný qurylys salý ýaqytyn aitarlyqtai qysqartady. Máselen, bolashaqta 16 qabatty turǵyn úi salýǵa tórt ai ǵana ýaqyt ketedi.
«Mamandar únemi osyǵan deiin elde qoldanylmaǵan qurylymdardyń seismikalyq tózimdiligin eksperimentaldy túrde tekserip otyrady. Tekserý nátijesi boiynsha jańa qurylymdy jer silkinisi qaýpi bar aýdandarda paidalaný múmkindigi nemese múmkin emestigi týraly qorytyndy jasalady», - Qurylys jáne turǵyn úi-kommýnaldyq sharýashylyq isteri komitetiniń tóraǵasy Marhabat Jaiymbetov,
