Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Prezident Pavlodar oblysynda jańa áýejai ashý máselesin pysyqtaýdy tapsyrdy Prezident Pavlodar oblysynda jańa áýejai ashý máselesin pysyqtaýdy tapsyrdy
Ekonomika jáne biznes

Qazaqstanda bir jylda ne qymbattady?

Ult portaly
Qazaqstanda bir jylda ne qymbattady?


Qazaqstanda sáýirdegi jyldyq infliatsiia deńgeii 13,2 paiyz, bir aida 2 paiyz, jyl basynan beri 7,3 paiyz boldy, - dep habarlaidy Tengrinews.kz agenttigi Ulttyq statistika biýrosyna silteme jasap. 

Vedomstvo málimetinshe, bir jyl ishinde azyq-túlik taýarlary 17,9 paiyzǵa qymbattaǵan. Azyq-túlik emes taýarlardyń baǵasy 11,1 paiyzǵa, aqyly qyzmetter 8,9 paiyzǵa ósken.

Ótken jyldyń sáýir aiymen salystyrǵanda qant, jańa pisken kókónister, kartop jáne qus eti qymbattady. Jumyrtqa baǵasy 4,1 paiyzǵa tómendedi.

Infliatsiia deńgeiin sipattaityn tutyný baǵalarynyń indeksi jeke tutynýǵa arnalǵan taýarlar men qyzmetter baǵasynyń ózgerýin kórsetedi.

Baǵa statistikasy departamentiniń direktory Qýanyshbek Jaqypbekuly jyl basynan beri indeks qurylymynda azyq-túlik taýarlary 40,7 paiyzdy, azyq-túlik emes taýarlar 30,2 paiyzdy, aqyly qyzmetter 29,1 paiyz bolǵanyn aitty.

Jaqypbekulynyń aitýynsha, 2022 jylǵy sáýirde 2021 jylǵy sáýirmen salystyrǵanda azyq-túlikke jatpaityn taýarlar baǵasynyń ósimi mynadai:

  • avtokólikter - 19,2 paiyzǵa;
  • turmystyq tehnika - 18,1 paiyzǵa;
  • jeke paidalanýǵa arnalǵan taýarlar - 15,1 paiyzǵa;
  • qurylys materialdary - 14,7 paiyzǵa;
  • jýǵysh jáne tazalaý quraldary - 14,3 paiyzǵa;
  • jihaz jáne turmystyq zattar - 13 paiyzǵa;
  • toqyma buiymdary - 8 paiyzǵa;
  • farmatsevtikalyq ónimder - 7,6 paiyzǵa;
  • qoǵamdyq tamaqtandyrý qyzmetteri - 13,9 paiyzǵa;
  • sanatorii qyzmetteri - 12 paiyzǵa;
  • densaýlyq saqtaý qyzmetteri - 11,9 paiyzǵa;
  • shashtaraz jáne jeke kútim mekemeleri - 11 paiyzǵa;
    qonaqúi qyzmetteri – 5,7 paiyzǵa;
  • jolaýshylar kóligi qyzmetteri - 5,4 paiyzǵa.

Onyń aitýynsha, turǵyn úi-kommýnaldyq sharýashylyq salasynda da tarifterdiń ósýi baiqalady. Bir jylda elektr energiiasy 10,6 paiyzǵa, qoqys shyǵarý 7,8 paiyzǵa, taratý jelileri arqyly tasymaldanatyn gaz 3,2 paiyzǵa qymbattaǵan.

Oqi otyryńyz