1 shildede zańdy tulǵalardy memlekettik tirkeý fýnktsiiasy Ádilet ministrliginen «Azamattarǵa arnalǵan úkimetke» berilgenine týra bir jyl tolady. Osy ýaqyt ishinde Memlekettik korporatsiia 116 997 zańdy tulǵany, filialdar men ókildikterdi tirkedi, dep habarlaidy "Ult aqparat" vedomstvonyń baspasóz qyzmetine silteme jasap.
Azamattarǵa arnalǵan úkimetke 7 uiymdyq-quqyqtyq nysan berilgen. Kommertsiialyq emes uiymdardy tirkeý Ádilet ministrliginiń quzyrynda qaldy.
Shaǵyn bizneske qatysty zańdy tulǵalardy bastapqy tirkeý tirkeýmen ainalysatyn organynyń qatysýynsyz elektrondyq formatta egov.kz elektrondyq úkimet portalynda júzege asyrylady. Sondyqtan, statistikalyq esepte tirkelgen JShS sany joq.
Zańdy tulǵalardy tirkeý boiynsha eń kóp qyzmet Almaty qalasynda kórsetilgen - 33 myńnan astam zańdy tulǵa tirkelgen. Ekinshi orynda - Nur-Sultan. Munda bir jyl ishinde 24 myńnan astam tirkeldi. Úshinshi orynda - Qaraǵandy oblysy. Zańdy tulǵalardy tirkeý jelisi boiynsha 7 myńnan astam qyzmet kórsetilgen. Bul qyzmet Jambyl, Qyzylorda jáne Soltústik Qazaqstan oblystarynda eń az suranysqa ie.
Kommertsiialyq zańdy tulǵalardy tirkeý salasynda memlekettik qyzmet kórsetýden basqa, memlekettik korporatsiia olardy ońtailandyrý boiynsha belsendi jumys júrgizýde.
Máselen, «Azamattarǵa arnalǵan úkimet» bastamasymen «Memlekettik qyzmet kórsetý máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly» zań tolyqtyryldy.
Atap aitqanda, jarǵynyń telnusqasyn berý merzimi úsh jumys kúninen bir kúnge deiin, biznesti qospaǵanda, zańdy tulǵalarǵa, filialdar men ókildikterge qatysty tirkeý rásimderin júzege asyrý merzimi on jumys kúninen beske deiin qysqartyldy.
Sondai-aq, basshynyń, qyzmettiń negizgi túriniń jáne basqalardyń ózgerýi siiaqty zańdy tulǵalardyń derekterin ózgertýdi avtomattandyrý máselesi pysyqtalýda.
