Foto: Pexels.com
Biyl 16 qyrkúiekten bastap Qylmystyq kodekske «Neke qiiýǵa májbúrleý» dep atalatyn jańa 125-1-bap engizildi. Bul bap adamdy neke qiiýǵa nemese birge turýǵa májbúrleý maqsatynda urlaǵandarǵa qylmystyq jaýapkershilik qarastyrady, dep habarlaidy Ult.kz.
Endi mundai áreketter aýyr qylmys sanatyna jatady. Kináliler jeti jylǵa deiin bas bostandyǵynan aiyrylýy múmkin, al eger qylmys aýyrlatatyn jaǵdaida jasalsa, jaza merzimi on jylǵa deiin ulǵaiady.
Buǵan deiin zańda jábirlenýshini óz erkimen bosatqan jaǵdaida jazadan bosatý qarastyrylǵan edi. Alaida jańa túzetýler bul normany alyp tastady — endi jazalaý jábirlenýshi bosatylǵanyna qaramastan qoldanylady.
Ishki ister ministrliginiń dereginshe, túzetýler kúshine engennen keiin Qaraǵandy, Mańǵystaý, Jambyl, Túrkistan oblystarynda jáne Shymkent qalasynda jeti qylmystyq is qozǵalǵan.
Tergeý barysynda 15 adam ustalyp, árbir derek boiynsha sotqa deiingi tergeý júrgizilýde.
IIM azamattardy zorlyq-zombylyq pen neke qiiýǵa májbúrleý jaǵdailaryna beijai qaramaýǵa jáne mundai faktiler týraly dereý 102 nómirine habarlaýǵa shaqyrdy.
