Qazaqstanda 20 qańtarda PTR testi oń shyqqan 1 180 adam tirkeldi. 131 adamǵa koronavirýs pnevmoniiasy diagnozy qoiylǵan. Bul týraly densaýlyq saqtaý ministrliginiń 21 qańtar kúngi habarlamasynda jazylǵan. Ótken táýlikte 17 adam ólimi tirkelgen: 15 naýqas - koronavirýstan, 2 adam koronavirýs pnevmoniiasynan qaitys bolǵany habarlandy.
Densaýlyq saqtaý ministrliginiń málimetinshe, Qazaqstanda naýryz aiynan beri 172 412 adamnyń PTR testi oń shyqqan. 156 521 adam jazylǵan. 2 446 adam koronavirýs qaitys bolǵan.
Qazaqstan biligi 1 tamyzdan beri pnevmoniianyń Covid-ke uqsas túrine jeke kod berip, bólek tirkep keledi. Sodan beri 47 115 adam koronavirýs pnevmoniiasyna shaldyqqan. 547 adam qaitys bolǵan. 34 925 adam jazylǵan.
Aimaqtaǵy pnevmoniia ahýalyna bailanysty statistikany bilik óte sirek jariialaidy. Biraq PTR testi oń shyqqan naýqastar týraly kún saiynǵy málimet indettiń barlyq aimaqta órshigenin kórsetedi.
20 qańtarda Nur-Sultan qalasynda 237 naýqas anyqtalǵan. Pavlodar oblysy (140) men Almatyda (115), Aqmola oblysynda (132) júzden astam adamnyń PTR testi oń shyqqan. Atyraý oblysynda - 82, Almaty oblysynda - 82, Soltústik Qazaqstan oblysynda - 78, Qaraǵandy oblysynda - 71, Qostanai oblysynda - 67, Batys Qazaqstan oblysynda - 55, Shyǵys Qazaqstan oblysynda - 31, Jambyl oblysynda - 25, Túrkistan oblysynda - 18, Mańǵystaý oblysynda - 17, Shymkent qalasynda - 14, Aqtóbe oblysynda - 10, Qyzylorda oblysynda 6 adamnan koronavirýs anyqtalǵan.
Djons Hopkins ýniversitetiniń málimetinshe, álemde koronavirýs juqtyrǵandar 96,7 mln adamǵa jetken. 53,3 mln adam jazylǵan. 2 million 71 myń adam qaitys bolǵan.
Densaýlyq saqtaý ministrliginiń deregine sensek, 21 qańtardaǵy málimet boiynsha Qazaqstanda 25 088 adam koronovirýs infektsiiasynan (13 445 KVI+ jáne 11 643 KVI-) emdelip jatyr.
Olardyń arasynda 6 737 patsient - statsionarda, 18 351 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 298 adamnyń jaǵdaiy aýyr;
• 57 patsienttiń jaǵdaiy óte aýyr;
• 41 naýqas jasandy tynys alý apparatynda jatyr.
