قازاقستاندا 20 قاڭتاردا پتر تەستٸ وڭ شىققان 1 180 ادام تٸركەلدٸ. 131 ادامعا كوروناۆيرۋس پنەۆمونيياسى دياگنوزى قويىلعان. بۇل تۋرالى دەنساۋلىق ساقتاۋ مينيسترلٸگٸنٸڭ 21 قاڭتار كٷنگٸ حابارلاماسىندا جازىلعان. ٶتكەن تەۋلٸكتە 17 ادام ٶلٸمٸ تٸركەلگەن: 15 ناۋقاس - كوروناۆيرۋستان, 2 ادام كوروناۆيرۋس پنەۆمونيياسىنان قايتىس بولعانى حابارلاندى.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, قازاقستاندا ناۋرىز ايىنان بەرٸ 172 412 ادامنىڭ پتر تەستٸ وڭ شىققان. 156 521 ادام جازىلعان. 2 446 ادام كوروناۆيرۋس قايتىس بولعان.
قازاقستان بيلٸگٸ 1 تامىزدان بەرٸ پنەۆمونييانىڭ Covid-كە ۇقساس تٷرٸنە جەكە كود بەرٸپ, بٶلەك تٸركەپ كەلەدٸ. سودان بەرٸ 47 115 ادام كوروناۆيرۋس پنەۆمونيياسىنا شالدىققان. 547 ادام قايتىس بولعان. 34 925 ادام جازىلعان.
ايماقتاعى پنەۆمونييا احۋالىنا بايلانىستى ستاتيستيكانى بيلٸك ٶتە سيرەك جارييالايدى. بٸراق پتر تەستٸ وڭ شىققان ناۋقاستار تۋرالى كٷن سايىنعى مەلٸمەت ٸندەتتٸڭ بارلىق ايماقتا ٶرشٸگەنٸن كٶرسەتەدٸ.
20 قاڭتاردا نۇر-سۇلتان قالاسىندا 237 ناۋقاس انىقتالعان. پاۆلودار وبلىسى (140) مەن الماتىدا (115), اقمولا وبلىسىندا (132) جٷزدەن استام ادامنىڭ پتر تەستٸ وڭ شىققان. اتىراۋ وبلىسىندا - 82, الماتى وبلىسىندا - 82, سولتٷستٸك قازاقستان وبلىسىندا - 78, قاراعاندى وبلىسىندا - 71, قوستاناي وبلىسىندا - 67, باتىس قازاقستان وبلىسىندا - 55, شىعىس قازاقستان وبلىسىندا - 31, جامبىل وبلىسىندا - 25, تٷركٸستان وبلىسىندا - 18, ماڭعىستاۋ وبلىسىندا - 17, شىمكەنت قالاسىندا - 14, اقتٶبە وبلىسىندا - 10, قىزىلوردا وبلىسىندا 6 ادامنان كوروناۆيرۋس انىقتالعان.
دجونس حوپكينس ۋنيۆەرسيتەتٸنٸڭ مەلٸمەتٸنشە, ەلەمدە كوروناۆيرۋس جۇقتىرعاندار 96,7 ملن ادامعا جەتكەن. 53,3 ملن ادام جازىلعان. 2 ميلليون 71 مىڭ ادام قايتىس بولعان.
دەنساۋلىق ساقتاۋ مينيسترلٸگٸنٸڭ دەرەگٸنە سەنسەك, 21 قاڭتارداعى مەلٸمەت بويىنشا قازاقستاندا 25 088 ادام كورونوۆيرۋس ينفەكتسيياسىنان (13 445 كۆي+ جەنە 11 643 كۆي-) ەمدەلٸپ جاتىر.
ولاردىڭ اراسىندا 6 737 پاتسيەنت - ستاتسيوناردا, 18 351 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 298 ادامنىڭ جاعدايى اۋىر;
• 57 پاتسيەنتتٸڭ جاعدايى ٶتە اۋىر;
• 41 ناۋقاس جاساندى تىنىس الۋ اپپاراتىندا جاتىر.
