Qazaqstanda bir kúnde koronavirýs pen pnevmoniiadan 6 adam qaitys boldy

26 qazan kúni Qazaqstanda 152 adamnyń koronavirýs infektsiiasyn juqtyrǵany anyqtaldy. Onyń basym bóligi (142) – virýs juqtyrǵany Covid testimen rastalǵandar (U07.01 kody). Ótken táýlikte Covid testi teris nátije bergen, biraq aýrý belgileri boiynsha koronavirýsqa uqsaityn pnevmoniiaǵa (U07.02) shaldyqqan 10 naýqas anyqtalǵan.

Bir kúnde 6 adam qaitys bolǵan: koronavirýs juqqany testimen rastalǵan naýqastar arasynda - 5 adam ólimi, koronavirýs pnevmoniiasyna shaldyqqandar arasynda 1 adam ólimi tirkelgen. Sondai-aq 17 adam emdelip shyqty.

Indet bastalǵaly elde barlyǵy 147 615 adamǵa koronavirýs juqqan: 110 684 adamǵa koronavirýs juqqany testimen rastalǵan, qalǵan 36 931 adam koronavirýs pnevmoniiasyna shaldyqqan.

Resmi málimet boiynsha, elde pnevmoniianyń jalpy túrine shaldyqqandar jazda kúrt kóbeigen. 

Naýryz aiynan beri koronavirýstan keminde 2 225 adam qaitys bolǵan (1830-y - koronavirýstan, 395-i - koronavirýs pnevmoniiasynan kóz jumǵan).

​Qazir 3 088 adam koronavirýstan emdelip jatyr, 248-i - bala. Statsionarda - 2 333, ambýlatorlyq jaǵdaida 755 adam emdelip jatyr. 115 adamnyń jaǵdaiy - aýyr, 10 adamnyń jaǵdaiy - óte aýyr, 16 adam jasandy apparatpen tynys alyp jatyr.