قازاقستاندا بٸر كٷندە كوروناۆيرۋس پەن پنەۆمونييادان 6 ادام قايتىس بولدى

26 قازان كٷنٸ قازاقستاندا 152 ادامنىڭ كوروناۆيرۋس ينفەكتسيياسىن جۇقتىرعانى انىقتالدى. ونىڭ باسىم بٶلٸگٸ (142) – ۆيرۋس جۇقتىرعانى Covid تەستٸمەن راستالعاندار (U07.01 كودى). ٶتكەن تەۋلٸكتە Covid تەستٸ تەرٸس نەتيجە بەرگەن, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونيياعا (U07.02) شالدىققان 10 ناۋقاس انىقتالعان.

بٸر كٷندە 6 ادام قايتىس بولعان: كوروناۆيرۋس جۇققانى تەستٸمەن راستالعان ناۋقاستار اراسىندا - 5 ادام ٶلٸمٸ, كوروناۆيرۋس پنەۆمونيياسىنا شالدىققاندار اراسىندا 1 ادام ٶلٸمٸ تٸركەلگەن. سونداي-اق 17 ادام ەمدەلٸپ شىقتى.

ٸندەت باستالعالى ەلدە بارلىعى 147 615 ادامعا كوروناۆيرۋس جۇققان: 110 684 ادامعا كوروناۆيرۋس جۇققانى تەستٸمەن راستالعان, قالعان 36 931 ادام كوروناۆيرۋس پنەۆمونيياسىنا شالدىققان.

رەسمي مەلٸمەت بويىنشا, ەلدە پنەۆمونييانىڭ جالپى تٷرٸنە شالدىققاندار جازدا كٷرت كٶبەيگەن. 

ناۋرىز ايىنان بەرٸ كوروناۆيرۋستان كەمٸندە 2 225 ادام قايتىس بولعان (1830-ى - كوروناۆيرۋستان, 395-ٸ - كوروناۆيرۋس پنەۆمونيياسىنان كٶز جۇمعان).

​قازٸر 3 088 ادام كوروناۆيرۋستان ەمدەلٸپ جاتىر, 248-ٸ - بالا. ستاتسيوناردا - 2 333, امبۋلاتورلىق جاعدايدا 755 ادام ەمدەلٸپ جاتىر. 115 ادامنىڭ جاعدايى - اۋىر, 10 ادامنىڭ جاعدايى - ٶتە اۋىر, 16 ادام جاساندى اپپاراتپەن تىنىس الىپ جاتىر.