4 qarashada Qazaqstanda 494 adamǵa koronavirýs juqqany testpen rastaldy. Bir kúnde 246 adam jazyldy. Densaýlyq saqtaý ministrliginiń 5 qarasha tańerteń taratqan habarlamasynda osylai dep jazylǵan.
Ótken táýlikte eń kóp naýqas Shyǵys Qazaqstan oblysynda (222) tirkelgen. Pavlodar oblysynda - 50, Nur-Sultan qalasynda - 35, Soltústik Qazaqstan oblysynda - 32, Aqmola oblysynda - 29, Almaty qalasynda 25 adamnan koronavirýs infektsiiasy tabylǵan. Qyzylorda, Mańǵystaý oblystarynda birde-bir naýqas anyqtalmaǵan.
Qazaqstanda naýryz aiynan beri koronavirýs juqqany PTR-testpen rastalǵandar sany 114 235 adamǵa jetti. 107 myńnan astamy jazylǵan. Naýryz aiynan beri keminde 1867 adam qaitys bolǵan.
Diagnozy tek aýrý belgileri boiynsha qoiylatyn koronavirýs pnevmoniiasy 38 myńnan astam adamnan anyqtalǵan, 405 adam qaitys bolǵan. Úkimet koronavirýs pnevmoniiasy dereginiń aimaq boiynsha bólinisin júieli túrde jariialamaidy.
Djons Hopkins ýniversiteti sekildi kóptegen álemdik uiymdar men derekkózder Qazaqstannyń deregin PTR testimen rastalǵan naýqastarǵa ǵana súienip berip otyr. Al Dúniejúzilik densaýlyq saqtaý uiymy Qazaqstan biligi biriktirmegen eki derekti qosyp jariialap júr. Eki derekti qosqanda Qazaqstanda koronavirýsqa shaldyqqanda 114 235 emes - 152 516 bolady.
Qazaqstannyń birqatar oblystarynda shekteý sharalary kúsheidi. 9 qarashadan bastap Soltústik Qazaqstan oblysy, Kókshetaý qalalarynda blokbeketter qoiylyp, aýmaqqa kirip shyǵý shekteledi. Qazir Qaraǵandy, Shyǵys Qazaqstan, Pavlodar oblystary aýmaǵyna kirip-shyǵý úshin jolaýshylar qolynda PTR-test nátijesi bolýy tiis.
Aimaqtar boiynsha:
Nur-Sultan qalasy - 35
Almaty qalasy - 25
Shymkent qalasy - 8
Aqmola oblysy - 29
Aqtóbe oblysy - 6
Almaty oblysy - 7
Atyraý oblysy - 8
Shyǵys Qazaqstan oblysy - 222
Jambyl oblysy - 4
Batys Qazaqstan oblysy - 29
Qaraǵandy oblysy - 20
Qostanai oblysy - 18
Pavlodar oblysy - 50
Soltústik Qazaqstan oblysy - 32
Túrkistan oblysy - 1
