4 قاراشادا قازاقستاندا 494 ادامعا كوروناۆيرۋس جۇققانى تەستپەن راستالدى. بٸر كٷندە 246 ادام جازىلدى. دەنساۋلىق ساقتاۋ مينيسترلٸگٸنٸڭ 5 قاراشا تاڭەرتەڭ تاراتقان حابارلاماسىندا وسىلاي دەپ جازىلعان.
ٶتكەن تەۋلٸكتە ەڭ كٶپ ناۋقاس شىعىس قازاقستان وبلىسىندا (222) تٸركەلگەن. پاۆلودار وبلىسىندا - 50, نۇر-سۇلتان قالاسىندا - 35, سولتٷستٸك قازاقستان وبلىسىندا - 32, اقمولا وبلىسىندا - 29, الماتى قالاسىندا 25 ادامنان كوروناۆيرۋس ينفەكتسيياسى تابىلعان. قىزىلوردا, ماڭعىستاۋ وبلىستارىندا بٸردە-بٸر ناۋقاس انىقتالماعان.
قازاقستاندا ناۋرىز ايىنان بەرٸ كوروناۆيرۋس جۇققانى پتر-تەستپەن راستالعاندار سانى 114 235 ادامعا جەتتٸ. 107 مىڭنان استامى جازىلعان. ناۋرىز ايىنان بەرٸ كەمٸندە 1867 ادام قايتىس بولعان.
دياگنوزى تەك اۋرۋ بەلگٸلەرٸ بويىنشا قويىلاتىن كوروناۆيرۋس پنەۆمونيياسى 38 مىڭنان استام ادامنان انىقتالعان, 405 ادام قايتىس بولعان. ٷكٸمەت كوروناۆيرۋس پنەۆمونيياسى دەرەگٸنٸڭ ايماق بويىنشا بٶلٸنٸسٸن جٷيەلٸ تٷردە جارييالامايدى.
دجونس حوپكينس ۋنيۆەرسيتەتٸ سەكٸلدٸ كٶپتەگەن ەلەمدٸك ۇيىمدار مەن دەرەككٶزدەر قازاقستاننىڭ دەرەگٸن پتر تەستٸمەن راستالعان ناۋقاستارعا عانا سٷيەنٸپ بەرٸپ وتىر. ال دٷنيەجٷزٸلٸك دەنساۋلىق ساقتاۋ ۇيىمى قازاقستان بيلٸگٸ بٸرٸكتٸرمەگەن ەكٸ دەرەكتٸ قوسىپ جارييالاپ جٷر. ەكٸ دەرەكتٸ قوسقاندا قازاقستاندا كوروناۆيرۋسقا شالدىققاندا 114 235 ەمەس - 152 516 بولادى.
قازاقستاننىڭ بٸرقاتار وبلىستارىندا شەكتەۋ شارالارى كٷشەيدٸ. 9 قاراشادان باستاپ سولتٷستٸك قازاقستان وبلىسى, كٶكشەتاۋ قالالارىندا بلوكبەكەتتەر قويىلىپ, اۋماققا كٸرٸپ شىعۋ شەكتەلەدٸ. قازٸر قاراعاندى, شىعىس قازاقستان, پاۆلودار وبلىستارى اۋماعىنا كٸرٸپ-شىعۋ ٷشٸن جولاۋشىلار قولىندا پتر-تەست نەتيجەسٸ بولۋى تيٸس.
ايماقتار بويىنشا:
نۇر-سۇلتان قالاسى - 35
الماتى قالاسى - 25
شىمكەنت قالاسى - 8
اقمولا وبلىسى - 29
اقتٶبە وبلىسى - 6
الماتى وبلىسى - 7
اتىراۋ وبلىسى - 8
شىعىس قازاقستان وبلىسى - 222
جامبىل وبلىسى - 4
باتىس قازاقستان وبلىسى - 29
قاراعاندى وبلىسى - 20
قوستاناي وبلىسى - 18
پاۆلودار وبلىسى - 50
سولتٷستٸك قازاقستان وبلىسى - 32
تٷركٸستان وبلىسى - 1
