30 qazan kúni Qazaqstanda 172 adamnyń koronavirýs pnevmoniiasyna shaldyqqany anyqtaldy. Táýlik ishinde aýrýdyń osy túrinen eki adamnyń ólimi tirkeldi. Bul týraly Qazaqstan densaýlyq saqtaý ministrligi habarlady.
Qazaqstan biligi PTR testimen rastalmaǵan, biraq aýrý belgileri boiynsha koronavirýsqa uqsaityn pnevmoniia esebin 1 tamyzdan beri júrgizip keledi. Úkimet dereginshe, tamyzdyń basynan qazannyń aiaǵyna deiin 37 746 adamǵa koronavirýs pnevmoniiasy diagnozy qoiylǵan. Onyń 401-i qaitys bolǵan.
Densaýlyq saqtaý ministrliginiń málimetinshe, qazir koronavirýs pnevmoniiasynan 3795 adam emdelip jatyr. Onyń 2337-si statsionarda, 1458-i ambýlatoriialyq jaǵdaida em qabyldap jatyr. 128 naýqastyń ahýaly nashar, 20 adam ókpeni jasandy jeldetý apparatyna qosylǵan.
Covid jónindegi ulttyq statistikaǵa tek PTR testimen rastalǵan naýqastar deregi kiredi. 13 naýryz ben 31 qazan aralyǵynda 111 953 adamnyń koronavirýs juqtyrǵany PTR testimen rastalǵan. Onyń 1848-i qaitys bolǵan. Covid ólimi statistikasyna koronavirýs juqtyrǵany rastalǵan, biraq "ilespe aýrýdan qaitys boldy" degen júzdegen adam kirmeidi.
