Sybailas jemqorlyqqa qarsy is-qimyl máseleleri jónindegi komissiianyń otyrysy ótti, dep habarlaidy Aqordanyń baspasóz qyzmeti.
Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen Qazaqstan Respýblikasy Prezidenti janyndaǵy Sybailas jemqorlyqqa qarsy is-qimyl máseleleri jónindegi komissiianyń kezekti otyrysy ótti.
Komissiia otyrysynda infraqurylymdy damytý boiynsha «Nurly jol» memlekettik baǵdarlamasynyń qorytyndysy qarastyryldy.
Atalǵan baǵdarlamanyń iske asyrylýy birqatar salany damytýǵa, atap aitqanda, ishki jalpy ónimdi arttyrýǵa, jańa jumys oryndaryn ashýǵa, tranzit kólemin kóbeitýge yqpal etti.
Odan bólek jahandyq ekonomikalyq daǵdarystyń áserin azaitýǵa da septigin tigizdi.
Degenmen memlekettik organdar maqsatty indikatorlar men nátijelerdiń bárine birdei qol jetkizbegen.
Budan bólek quqyq qorǵaý jáne baqylaýshy organdar jekelegen qarjylyq quqyq buzýshylyqtardy, sondai-aq biýdjet qarjysynyń tiimsiz josparlanǵanyn anyqtaǵan.
Jiynda atalǵan másele jan-jaqty talqylanyp, ony sheshýge jáne aldaǵy ýaqytta mundai olqylyqtarǵa jol jibermeýge qatysty naqty usynystar berildi.
Komissiia otyrysynda orta jáne joǵary bilim berý baǵytyn damytýǵa bólinetin qarjynyń tiimdi jumsalýyna qatysty júrgizilgen memlekettik aýdittiń qorytyndysy da talqylandy.
Atalǵan baǵytta Esep komiteti birqatar problemany anyqtady.
Al Sybailas jemqorlyqqa qarsy is-qimyl jáne Qarjylyq monitoring agenttikteri 250 qylmystyq quqyq buzýshylyqty tirkegen.
Kemshilikterdi joiý úshin Bilim jáne ǵylym ministrligine, respýblikalyq mańyzy bar qalalar men oblystardyń ákimderine qatysty qatań shara qabyldaý tapsyryldy.
Sondai-aq «Bilimdi ult» sapaly bilim berý» ulttyq jobasyn iske asyrý barysynda qarjy jymqyrý, qyzmetin asyra paidalaný sekildi zań buzýshylyqtarǵa jol berilmeýi qajet ekenine nazar aýdaryldy.
Jiyn qorytyndysy boiynsha Memlekettik hatshy Qyrymbek Kósherbaev talqylanǵan máseleler boiynsha memlekettik jáne atqarýshy organdarǵa birqatar tapsyrma berip, olardyń oryndalýy qatań baqylaýda bolatynyn aitty.
