Qazaqstanda orta bilim salasyna vaýcherlik qarjylandyrýdy engizý máselesi pysyqtalyp jatyr. Bul jaiynda QR Premer-Ministriniń orynbasary Eraly Toǵjanovtyń Májilis depýttarynyń saýalyna bergen jaýabynda aitylǵan, dep habarlaidy "Ult aqparat".
«Qazirgi ýaqytta ministrlik (Bilim jáne ǵylym ministrligi) «aqsha oqýshymen birge júredi» qaǵidatyn tolyǵymen júzege asyratyn bilim berý salasyna vaýcherlik qarjylandyrýdy engizý máselesi boiynsha jumys istep jatqanyn habarlaimyz. Sonymen qatar, jan basyna qarjylandyrýǵa kóshken orta bilim berý uiymdarynda bultty býhgalteriiany engizý máselesi qarastyrylýda», - dedi Eraly Toǵjanov.
Onyń atap ótýinshe, bultty býhgalteriiany iske asyrý mektepterdiń biýdjet qarajatynyń jumsalýyna monitoring júrgizýge jáne baqylaýǵa keiinnen ulttyq bilim berý derekter qoryna málimetterdi jinaqtaýǵa múmkindik beredi.
«Búgingi kúni Ulttyq bilim berý derekter qory Ádilet ministrliginiń «Jeke tulǵa» jáne «Zańdy tulǵa» sekildi memlekettik derekter qorymen, Eńbek jáne halyqty áleýmettik qorǵaý, Tsifrlyq damý, innovatsiialar jáne aeroǵarysh ónerkásibi ministrlikteriniń jáne taǵy basqa júielermen integratsiialanǵan», - dedi Úkimet basshysynyń orynbasary.
