Foto: ashyq derekkóz
Májilis 2011 jyly 26 qarashada Tokioda IýNESKO-nyń qoldaýymen qabyldanǵan Joǵary bilim berý salasyndaǵy biliktilikti taný týraly Aziia-Tynyq muhity óńirlik konventsiiasyn ratifikatsiialady, dep habarlaidy Ult.kz.
Bul Konventsiia aimaqtaǵy elder arasyndaǵy akademiialyq jáne kásibi utqyrlyqty keńeitýge, diplomdardy, dárejeler men ózge de biliktilikterdi moiyndaýdy jeńildetýge, sondai-aq olardy baǵalaýda ashyqtyq pen ádildikti qamtamasyz etýge baǵyttalǵan.
Qujat aiasynda múshe memleketter bilim berý baǵdarlamalarynda eleýli aiyrmashylyqtar bolmaǵan jaǵdaida basqa elderde berilgen joǵary bilim salasyndaǵy biliktilikterdi tanýǵa mindetti bolady. Sonymen qatar ár múshe memlekette joǵary bilim týraly aqparat beretin ulttyq aqparattyq ortalyqtar qurylady.
Bilim berý júieleri, akkredittelgen joǵary oqý oryndary jáne sapany qamtamasyz etý tetikteri týraly senimdi aqparatpen turaqty almasý qamtamasyz etiledi.
Konventsiiany ratifikatsiialaý kezinde Qazaqstan beiresmi oqytý úlgileri arqyly alynǵan biliktilikter men ishinara oqý kýrstaryn tanýǵa qatysty birneshe bapqa eskertpe jasady.
Qazirgi tańda Tokio konventsiiasy Aýǵanstan, Armeniia, Avstraliia, Qytai, Fidji, Vatikan, Japoniia, Mońǵoliia, Jańa Zelandiia, Koreia Respýblikasy, Resei jáne Túrkiia syndy 12 memlekette taralǵan.
