فوتو: اشىق دەرەككٶز
مەجٸلٸس 2011 جىلى 26 قاراشادا توكيودا يۋنەسكو-نىڭ قولداۋىمەن قابىلدانعان جوعارى بٸلٸم بەرۋ سالاسىنداعى بٸلٸكتٸلٸكتٸ تانۋ تۋرالى ازييا-تىنىق مۇحيتى ٶڭٸرلٸك كونۆەنتسيياسىن راتيفيكاتسييالادى, دەپ حابارلايدى Ult.kz.
بۇل كونۆەنتسييا ايماقتاعى ەلدەر اراسىنداعى اكادەمييالىق جەنە كەسٸبي ۇتقىرلىقتى كەڭەيتۋگە, ديپلومداردى, دەرەجەلەر مەن ٶزگە دە بٸلٸكتٸلٸكتەردٸ مويىنداۋدى جەڭٸلدەتۋگە, سونداي-اق ولاردى باعالاۋدا اشىقتىق پەن ەدٸلدٸكتٸ قامتاماسىز ەتۋگە باعىتتالعان.
قۇجات اياسىندا مٷشە مەملەكەتتەر بٸلٸم بەرۋ باعدارلامالارىندا ەلەۋلٸ ايىرماشىلىقتار بولماعان جاعدايدا باسقا ەلدەردە بەرٸلگەن جوعارى بٸلٸم سالاسىنداعى بٸلٸكتٸلٸكتەردٸ تانۋعا مٸندەتتٸ بولادى. سونىمەن قاتار ەر مٷشە مەملەكەتتە جوعارى بٸلٸم تۋرالى اقپارات بەرەتٸن ۇلتتىق اقپاراتتىق ورتالىقتار قۇرىلادى.
بٸلٸم بەرۋ جٷيەلەرٸ, اككرەديتتەلگەن جوعارى وقۋ ورىندارى جەنە ساپانى قامتاماسىز ەتۋ تەتٸكتەرٸ تۋرالى سەنٸمدٸ اقپاراتپەن تۇراقتى الماسۋ قامتاماسىز ەتٸلەدٸ.
كونۆەنتسييانى راتيفيكاتسييالاۋ كەزٸندە قازاقستان بەيرەسمي وقىتۋ ٷلگٸلەرٸ ارقىلى الىنعان بٸلٸكتٸلٸكتەر مەن ٸشٸنارا وقۋ كۋرستارىن تانۋعا قاتىستى بٸرنەشە باپقا ەسكەرتپە جاسادى.
قازٸرگٸ تاڭدا توكيو كونۆەنتسيياسى اۋعانستان, ارمەنييا, اۆسترالييا, قىتاي, فيدجي, ۆاتيكان, جاپونييا, موڭعولييا, جاڭا زەلاندييا, كورەيا رەسپۋبليكاسى, رەسەي جەنە تٷركييا سىندى 12 مەملەكەتتە تارالعان.
