Biyl qańtarda jergilikti kásiporyndar benzinge degen suranysty tolyq, dizel suranysyn 96,4 paiyzǵa qamtamasyz etti. Janar-jaǵarmaidy eksporttaýǵa tyiym salynǵandyqtan, ol eksportqa shyǵarylmaǵan. Salystyrý úshin, 2021 jylǵy qańtar-jeltoqsanynda benzin eksporty - 100,9 myń tonna, dizel otyny eksporty 223,3 myń tonna bolǵan.
2022 jylǵy aqpannyń aiaǵynda benzin baǵasynyń jyldyq ósimi birden 18,7 paiyz, al dizel otynynyń baǵasy birden 44,2 paiyz boldy. Alaida bul byltyr baǵanyń ósýi nátijesi. Biyl aqpanda 2021 jylǵy jeltoqsanmen salystyrǵanda benzin 0,3 paiyzǵa, dizel otyny 1,7 paiyzǵa arzandaǵan.
Jyl boi benzin baǵasynyń ósýi Túrkistan oblysynda (21,2 paiyz), Jambyl oblysynda (20,1 paiyz), sondai-aq BQO men Almatyda (19,8 paiyz) kóbirek baiqaldy.
Dizel otynynyń qymbattaýy boiynsha Batys Qazaqstan oblysy kósh bastap tur - 72,5 paiyz. Úshtikke Aqmola jáne Soltústik Qazaqstan oblystary da kirgen.
Aqpanda dizel otynynyń ortasha baǵasy litrine 235 teńge, qysta 346 teńge boldy. AI-98 benzini litrine - 232 teńge, AI-95/96 benzini litrine - 210 teńge.
