بيىل قاڭتاردا جەرگٸلٸكتٸ كەسٸپورىندار بەنزينگە دەگەن سۇرانىستى تولىق, ديزەل سۇرانىسىن 96,4 پايىزعا قامتاماسىز ەتتٸ. جانار-جاعارمايدى ەكسپورتتاۋعا تىيىم سالىنعاندىقتان, ول ەكسپورتقا شىعارىلماعان. سالىستىرۋ ٷشٸن, 2021 جىلعى قاڭتار-جەلتوقسانىندا بەنزين ەكسپورتى - 100,9 مىڭ توننا, ديزەل وتىنى ەكسپورتى 223,3 مىڭ توننا بولعان.
2022 جىلعى اقپاننىڭ اياعىندا بەنزين باعاسىنىڭ جىلدىق ٶسٸمٸ بٸردەن 18,7 پايىز, ال ديزەل وتىنىنىڭ باعاسى بٸردەن 44,2 پايىز بولدى. الايدا بۇل بىلتىر باعانىڭ ٶسۋٸ نەتيجەسٸ. بيىل اقپاندا 2021 جىلعى جەلتوقسانمەن سالىستىرعاندا بەنزين 0,3 پايىزعا, ديزەل وتىنى 1,7 پايىزعا ارزانداعان.
جىل بوي بەنزين باعاسىنىڭ ٶسۋٸ تٷركٸستان وبلىسىندا (21,2 پايىز), جامبىل وبلىسىندا (20,1 پايىز), سونداي-اق بقو مەن الماتىدا (19,8 پايىز) كٶبٸرەك بايقالدى.
ديزەل وتىنىنىڭ قىمباتتاۋى بويىنشا باتىس قازاقستان وبلىسى كٶش باستاپ تۇر - 72,5 پايىز. ٷشتٸككە اقمولا جەنە سولتٷستٸك قازاقستان وبلىستارى دا كٸرگەن.
اقپاندا ديزەل وتىنىنىڭ ورتاشا باعاسى ليترٸنە 235 تەڭگە, قىستا 346 تەڭگە بولدى. اي-98 بەنزينٸ ليترٸنە - 232 تەڭگە, اي-95/96 بەنزينٸ ليترٸنە - 210 تەڭگە.
