Qazaqstan 2020-2021 oqý jylynda bar mektep jańartylǵan bilim berý mazmunyna tolyǵymen kóshti. Bul jaiynda bilim jáne ǵylym ministrligi habarlady, - dep habarlaidy «Ult aqparat».
Resmi aqparatqa sáikes, 2020 jyly jańartylǵan bilim berý mazmunyna kóshý jumystary tolyq aiaqtaldy.
Biyl Qazaqstanda jańa oqý jylynda birinshi synypqa 352 091 oqýshy qabyldandy. Bilim jáne ǵylym ministrliginiń habarlaýynsha, bul oqýshynyń shamamen 75 protsenti – 6 jastan asqan balalar. Sonymen qatar 2020 jyldyń sońyna deiin 11 myńǵa jýyq bala altyǵa tolady.
Aita keteiik, Qazaqstanda pandemiiaǵa bailanysty elimizde mektepterde kezekshi synyptar ashyldy. Ol jerde 1-4 synyp oqýshylary oqityn bolady. Bir synypta 15 oqýshy ǵana otyrady. Ata-analar tarapynan ótinish túsip, bastaýysh synyp oqýshylarynyń 60 protsenti kezekshi synyptarda oqityn boldy.
Qazaqstanda respýblika boiynsha 7 myńnan astam mektep bar. Sonyń 3 myńǵa jýyǵynda 1-11 synyp oqýshylary dástúrli formatta oqýdy bastady. Sebebi bul shalǵaida ornalasqan shaǵyn jinaqtalǵan mektepter. Bul mektepterde 180 myńnan bastam bala bar. Al qai mekteptiń dástúrli formatqa oqýǵa kóshetinin ár óńirdiń sanitarlyq dárigerleri qabyldaityn bolady.
Aita keteiik, biyl eki jarym millionnan astam oqýshy jańa oqý jylyn qashyqtan oqý formatynda bastady. Olar otandyq bilim berý platformasyn paidalanyp oqityn bolady. Sonymen qatar otandyq "Balapan" jáne "El Arna" arqyly telesabaqtar kórsetiledi.
Al joǵary oqý oryndary men kolledj stýdentteri de sabaqty qashyqtan bastaidy. Aita keteiik, 2020-2021 oqý jylynda 3,3 million qazaqstandyq oqýshy, 466 myń kolledj stýdenti jáne 600 myńnan astam joǵary oqý oryndarynyń stýdenti bilim alady. Al bul bilimgerlerdiń qandai formatta bilim alatynyn ár óńirdiń sanitar dárigerleri sheshedi. Al sabaq qashyqtan bastaityn bilimgerler epidemiologiialyq talaptardy saqtaýy qajet.
Bilim jáne ǵylym vitse-ministri Sholpan Qarinovanyń aitýynsha, bastaýysh synyp oqýshylarynyń 60 protsenti mektepte oqidy. Al respýblika boiynsha oqýshylardyń 80%-ke jýyǵy jańa oqy jylyn qashyqtan oqytý formatynda bastady.
Al jańa oqý jylynda bilim kúnine arnaiy synyp jetekshileri oqýshylar úshin synyp saǵatyn ótkizdi. Sonymen qatar 352 myń búldirshin birinshi synypqa bardy. Jumys isteitin ata-analardyń ótinishi eskerilip, bastaýysh synyptar men mektepke deiingi daiarlyq synyptary úshin kezekshi synyptar ashyldy.
Biyl 2 million 600 oqýshy qashyqtan oqyp jatyr, tehnikalyq qurylǵymen qamtamasyz etý jumystary da jalǵasyp jatyr. Osy maqsatta oqýshylarǵa 435 myń kompiýter, planshet, noýtbýk taratylǵan. On besinshi qyrkúiekke deiin taǵy 250 myń tehnikalyq qurylǵy úlestiriledi.
Aita keteiik, oqýshylar úshin "Balapan" jáne "El arna" telearnalarynda onlain sabaqtar kórsetiledi. Sabaqtardyń kestesi bilim jáne ǵylym ministrliginiń resmi saittarynda jariialanyp otyrady.
