Elimizde baspana kezeginde 590 myń azamat tur. Bul týraly Úkimet otyrysynda QR Indýstriia jáne infraqurylymdyq damý vitse-ministri Marat Qarabaev aitty, dep habarlaidy QazAqparat.
«Búgingi tańda úidi basqarý týraly sheshim qabyldaýda múlik ieleriniń belsendiligi tómendegeni baiqalady. Buǵan sebep - daýys berý rásiminiń qiyndyǵy jáne elektrondyq qyzmetterdiń shekteýli bolýy. Osy rette elektrondyq daýys berý tásilderin keńeitý qajet. Bul servistik kompaniialardy tańdaý rásimin ońailatady. Osylaisha, básekelestik ortany qalyptastyrý jáne qyzmetter qunynyń ashyqtyǵyn qamtamasyz etý arqyly turǵyn úi-kommýnaldyq sharýashylyǵy salasyndaǵy servistik qyzmetter baǵasynyń ósýin tejeýge bolady», - dedi vitse-ministr.
Jalpy, onyń atap ótýinshe, azamattardyń turǵyn úi máseleleri - óte ótkir jáne áleýmettik mańyzdy.
«Búgingi tańda turǵyn úi kezeginde 590 myń azamat tur. Onyń ishinde 69,3 myń áleýmettik osal jaǵdaidaǵy azamattar bar. Osy muqtaj jandardy qoldaý úshin olarǵa memleket qarajaty esebinen naryqtan baspanany jalǵa alý qunynyń jartysyn óteý usynylady. Infraqurylymdyq jobalardy odan ári iske asyrý úshin 160 myńǵa deiin jeke jer ýchaskesine qajetti injenerlik infraqurylym júrgiziledi», - dedi Marat Qarabaev.
