Qazaqstanda baspana baǵasy besinshi jyl qatarynan qymbattap keledi, dep habarlaidy QazAqparat.
«Turǵyn úi baǵasy qatarynan besinshi jyl ósip keledi. Baǵanyń tómendeýi 2016 jyly ǵana tirkeldi. Ol kezde jańa turǵyn úi 3,6% arzandady. 2017 jyly qaita satý naryǵyndaǵy sharshy metrdiń baǵasy 1,6% tómendedi», - delingen QR Strategiialyq josparlaý jáne reformalar agenttigi Ulttyq statistika biýrosynyń málimetinde.
Derekke súiensek, byltyrǵy sáýir men biylǵy sáýir aralyǵynda páterlerdi qaita satý baǵasy – 27,7%, jańa turǵyn úilerdi satý quny 20,3% qymbattady. Al abattandyrylǵan baspanany jalǵa alý tólemi 22,2% kóterildi.
Bir aidyń ishinde, iaǵni 2022 jylǵy naýryzǵa qaraǵanda qaita satýǵa qoiylǵan baspana quny 1,8% ósip, sharshy metrine 459 137 teńgeni qurady.
Jańa turǵyn úidi satý jáne abattandyrylǵan turǵyn úidi jalǵa alý tólemi sáýirde 0,8% joǵarylap, sharshy metrine tiisinshe 412 315 teńge jáne 3 561 teńgeni qurady.
