QR Básekelestikti qorǵaý jáne damý agenttigi tóraǵasynyń Serik Jumanǵarin básekelestikti damytý jónindegi sharalardy iske asyrýdyń qandai áser beretinin aityp berdi, dep habarlaidy QazAqparat.
«Biz 2025 jylǵa qarai munai ónimderiniń birjalyq saýdasyn 20%-ǵa deiin, suiytylǵan gazben almasýdy kelesi jyly 100%-ǵa deiin arttyrýdy josparlap otyrmyz. Ekonomikalyq tiimdilik 1,9 trillion teńgeden asady. Elektr energiiasynyń ortalyqtandyrylǵan saýda-sattyq kólemi 2025 jylǵa qarai 30% deiin, 150 milliard teńgeden astam somaǵa ulǵaitylady. Biýdjet qarajatyn jyl saiyn 20 milliardqa únemdep jáne shaǵyn jáne orta biznestiń shyǵyny 31 milliard teńgege deiin azaiady. Market pleisteriniń damýy elektr energiiasyn jetkizýshini aýystyrý ýaqytyn 10 ese qysqartady», - dedi agenttik tóraǵasy Úkimettiń búgingi otyrysynda.
Sonymen birge, 2025 jylǵa qarai áýejailar aýmaǵynda keminde 7 qyzmet kórsetý túrine erkin qol jetkizýdi qamtamasyz etý kózdelgen.
«Bailanys salasyndaǵy kabeldik kárizge qoljetimdilikti qamtamasyz etý, respýblikalyq jáne oblystyq mańyzy bar qalalardaǵy mýnitsipaldy avtobýs parkteriniń sanyn 0-ge deiin qysqartý, 2025 jylǵa qarai memlekettik tapsyrys sanyn 50% qysqartý, 2025 jylǵa qarai 20 biryńǵai operatordy ońtailandyrý – osynyń barlyǵy Qazaqstandaǵy básekelestik ortany jaqsartýǵa jáne damytýǵa múmkindik beredi», - dedi Jumanǵarin.
