قر بەسەكەلەستٸكتٸ قورعاۋ جەنە دامۋ اگەنتتٸگٸ تٶراعاسىنىڭ سەرٸك جۇمانعارين بەسەكەلەستٸكتٸ دامىتۋ جٶنٸندەگٸ شارالاردى ٸسكە اسىرۋدىڭ قانداي ەسەر بەرەتٸنٸن ايتىپ بەردٸ, دەپ حابارلايدى قازاقپارات.
«بٸز 2025 جىلعا قاراي مۇناي ٶنٸمدەرٸنٸڭ بيرجالىق ساۋداسىن 20%-عا دەيٸن, سۇيىتىلعان گازبەن الماسۋدى كەلەسٸ جىلى 100%-عا دەيٸن ارتتىرۋدى جوسپارلاپ وتىرمىز. ەكونوميكالىق تيٸمدٸلٸك 1,9 تريلليون تەڭگەدەن اسادى. ەلەكتر ەنەرگيياسىنىڭ ورتالىقتاندىرىلعان ساۋدا-ساتتىق كٶلەمٸ 2025 جىلعا قاراي 30% دەيٸن, 150 ميلليارد تەڭگەدەن استام سوماعا ۇلعايتىلادى. بيۋدجەت قاراجاتىن جىل سايىن 20 ميللياردقا ٷنەمدەپ جەنە شاعىن جەنە ورتا بيزنەستٸڭ شىعىنى 31 ميلليارد تەڭگەگە دەيٸن ازايادى. ماركەت پلەيستەرٸنٸڭ دامۋى ەلەكتر ەنەرگيياسىن جەتكٸزۋشٸنٸ اۋىستىرۋ ۋاقىتىن 10 ەسە قىسقارتادى», - دەدٸ اگەنتتٸك تٶراعاسى ٷكٸمەتتٸڭ بٷگٸنگٸ وتىرىسىندا.
سونىمەن بٸرگە, 2025 جىلعا قاراي ەۋەجايلار اۋماعىندا كەمٸندە 7 قىزمەت كٶرسەتۋ تٷرٸنە ەركٸن قول جەتكٸزۋدٸ قامتاماسىز ەتۋ كٶزدەلگەن.
«بايلانىس سالاسىنداعى كابەلدٸك كەرٸزگە قولجەتٸمدٸلٸكتٸ قامتاماسىز ەتۋ, رەسپۋبليكالىق جەنە وبلىستىق ماڭىزى بار قالالارداعى مۋنيتسيپالدى اۆتوبۋس پاركتەرٸنٸڭ سانىن 0-گە دەيٸن قىسقارتۋ, 2025 جىلعا قاراي مەملەكەتتٸك تاپسىرىس سانىن 50% قىسقارتۋ, 2025 جىلعا قاراي 20 بٸرىڭعاي وپەراتوردى وڭتايلاندىرۋ – وسىنىڭ بارلىعى قازاقستانداعى بەسەكەلەستٸك ورتانى جاقسارتۋعا جەنە دامىتۋعا مٷمكٸندٸك بەرەدٸ», - دەدٸ جۇمانعارين.
