Elimizde balalardyń maska taǵyp júrýin mindetteitin talaptar ózgerdi, dep habarlaidy "Ult aqparat".
Densaýlyq saqtaý ministri Aleksei Tsoi «Sanitarlyq-epidemiiaǵa qarsy jáne sanitarlyq-profilaktikalyq is-sharalardy uiymdastyrýdyń jáne ótkizýdiń keibir máseleleri týraly» 2020 jylǵy 5 shildedegi buiryqqa ózgerister engizdi.
Buiryq mátindegi ózgerister bylai kórsetilgen:
7) bes jasqa deiingi balalardy qospaǵanda, qoǵamdyq oryndarda, halyqqa barýǵa, qyzmet kórsetýge jáne demalýǵa arnalǵan úi-jailarda, qoǵamdyq kólikte, sonymen qatar áleýmettik qashyqtyqty eskere otyryp, qoǵamdyq tamaqtaný oryndarynda tamaqtaný kezinde meditsinalyq nemese matadan jasalǵan maska kiiý mindetti;
9) áleýmettik qashyqtyqty saqtai otyryp, bes jasqa deiingi balalar men jeke, toptyq sport túrlerimen bes adamnan aspaityn jeke tulǵalardy qospaǵanda, ashyq jerlerde meditsinalyq nemese shúberek maskalaryn kiiý mindetti bolyp sanalady», - delingen jańartylǵan qujatta.
Eske sala ketsek, 30 shildeden bastap qazaqstandyqtar kóshede maska taǵyp júrýge mindetteldi. Bul týraly eldiń Bas sanitarlyq memlekettik dárigeri Aijan Esmaǵambetovanyń qaýlysynda aitylǵan.
