Qazaqstanda balalarǵa arnalǵan qaýipsiz saittar tizimin qurý josparlanyp otyr. Qazir Qazaqstan Bilim jáne ǵylym ministrligi, Aqparat jáne qoǵamdyq damý ministrligi men Tsifrlyq damý ministrligi birigip osy jobany júzege asyrmaq.
Bul jaiynda Balalardyń quqyqtaryn qorǵaý komiteti tóraǵasynyń orynbasary Iýliia Ovechkina málimdedi.
"Aqparat jáne qoǵamdyq damý ministrligindegi áriptesterimiz "Kiberqadaǵalaý" baǵdarlamasyn ázirlep, engizdi. Ol búginde Qazaqstanda balalarǵa qaraýǵa tyiym salynǵan resýrstardy qadaǵalap otyrady. Bizben birge qazir balalarǵa qol jetimdi bolatyn qaýipsiz saittardyń tizimi ázirlenip jatyr. Balalarǵa arnalǵan basqa saittar qol jetimdi bolmaidy. Bul baǵytta jumystar júrgizilýde", - dedi Ovechkina.
Tizimdi jyl sońyna deiin jariialaý josparlanýda, dep naqtylady ol.
"Meniń oiymsha, jyl sońyna deiin biz bul jumysty Aqparat jáne qoǵamdyq damý ministrligi men tsifrlyq damý ministrligindegi áriptesterimizben birge aiaqtaimyz", - dep tolyqtyrdy Ovechkina.
Buǵan deiin Qazaqstan prezidenti Qasym-Jomart Toqaev Qazaqstan halqyna joldaýynda qaýipsizdik jáne balalardyń quqyqtaryn qorǵaý máselelerimen azamattardy, ásirese balalardy kiberbýllingten qorǵaý jóninde zańnamalyq sharalar qabyldaý ýaqyty keldi dep málimdegen bolatyn.
Sondai-aq, Qazaqstan prezidenti Qasym-Jomart Toqaev "Qazaqtelekom" tóraǵasymen kezdesip, aýyldyq jerlerdegi internettiń jyldamdyǵy týraly surady.
"Qazaqtelekom" basqarma tóraǵasy aýyldyq eldi mekenderde talshyqty-optikalyq bailanys jelileri men mobildi keńjolaqty qoljetimdilik qurylysy boiynsha jobalardy iske asyrý týraly baiandady. Ol joba jyl sońyna deiin tolyq aiaqtalady dep ýáde berdi. Nátijesinde elimizde internetpen qamtamasyz etý deńgeii 99,5%-ǵa jetedi.
Kezdesý barysynda Toqaev kompaniianyń atqarǵan jumysynyń nátijelerine oń baǵa berdi. Halyqqa jáne bizneske jańa tsifrlyq qyzmetter usyný, internet pen uialy bailanystyń qoljetimdiligi men sapasyn keńeitý taqyrybyn kóterdi.
Al tsifrlyq damý jáne aeroǵarysh ónerkásibi ministri Baǵdat Mýsin iel kóleminde nternettiń álsiz signaly týraly habarlaýǵa bolatyn sait ázirlengenin habarlady.
Osylaisha, ministrliktiń derekter bazasyna eldi mekende bailanys signaly álsiz ekendigi týraly aqparat túsip otyrady.
Aita keteiik, qazaqstandyq oqýshylar 2020-2021 oqý jylynyń birinshi toqsanynda qashyqtyqtan oqytý formatyna kóshti. Soǵan bailanysty eldi mekenderdegi internet jyldamdyǵy ózekti taqyryp bolyp otyr.
Esterińizge sala keteiik, Qazaqstanda balalarǵa arnalǵan qaýipsiz saittar tizimin qurý josparlanyp otyr. Qazir Qazaqstan Bilim jáne ǵylym ministrligi, Aqparat jáne qoǵamdyq damý ministrligi men tsifrlyq damý ministrligi birigip osy jobany júzege asyrmaq. Bul jaiynda Balalardyń quqyqtaryn qorǵaý komiteti tóraǵasynyń orynbasary Iýliia Ovechkina málimdegen bolatyn.
