Foto: elements.envato.com
Qazaqstanda ata-anasy nemese zańdy ókiliniń ruqsatynsyz TikTok, Instagram, Facebook, WhatsApp, "VKontakte" platformalarynda kámeletke tolmaǵandardy tirkeýdi shekteý sharalaryn qabyldaý josparlanyp otyr. Úkimet qaýlysynyń jobasy "Ashyq NQA" saitynda paida boldy, - dep habarlaidy Tengrinews.kz saity.
Qazaqstan Úkimeti balalardy zorlyq-zombylyqtan qorǵaý jáne olardyń quqyqtary men ál-aýqatyn qamtamasyz etý jónindegi 2023-2025 jyldarǵa arnalǵan "Bala Qorǵaý" keshendi josparyn bekitý týraly sheshim qabyldady.
Jospar maqsaty – balalardyń qaýipsizdigin qamtamasyz etý júiesin qurý, balalarǵa ýaqtyly bilikti kómek kórsetý, sondai-aq balalarǵa qatysty zorlyq-zombylyqtyń aldyn alýǵa baǵyttalǵan 2023-2025 jyldarǵa arnalǵan qosymsha sharalar keshenin qabyldaý.
Joba qabyldansa, Instagram, Facebook, WhatsApp, "VKontakte" platformalarynda kámeletke tolmaǵandardy zańdy ókiliniń ruqsatynsyz tirkeýge shekteý sharalaryn engizý 2025 jyldyń birinshi toqsanyna josparlanǵan. Buǵan Tsifrlyq damý, innovatsiialar jáne aeroǵarysh ónerkásibi, Aqparat jáne qoǵamdyq damý ministrligi, sondai-aq Bilim ministrligi jaýapty bolady.
Jalpy, keshendi jospar 4 bólimnen turady.
- "Balalardyń zorlyq-zombylyqtan qorǵaý quqyǵyn júzege asyrý".
- "Bilim alýshylardyń pedagogikalyq qoldaý quqyǵyn iske asyrý, balalardyń sýitsidtik jáne aýtoagressivti minez-qulqynyń aldyn alý jáne túzetý".
- "Qazaqstandyq balalardyń ál-aýqaty deńgeiin arttyrý, balalardyń quqyqtaryn qorǵaý salasyndaǵy memleket pen qoǵamnyń ózara is-qimyly".
- "Aqparattyq súiemeldeý".
Qujat 6 maýsymǵa deiin kópshiliktiń talqylaýy úshin jariialanǵan.
